木糠布丁 + 囍宴

除左New York cheese cake, 另一個最受朋友同同事們歡迎o既就係木糠布丁了。  之前部門同事補請我去囍宴食生日飯，我就整左呢個黎做回禮喇。
佢地個個都好鐘意，仲有兩個同事問我拎食譜，佢地都想自己o係屋企試整下。

做呢個甜品我每次整都係用麥維他，因為我試過一次用瑪莉柄餅，但我覺得口味太淡，同質感太鬆散，用麥維他味道會豐富d(純屬個人觀點)，所以之後我每次都係用麥維他整，雖然唔正宗，但大家對我呢個版本都好受落呀。 

講返餐生日飯，囍宴o係太古城其實開左好耐，但係呢次都係第一次試，d菜式好味之外，難得賣相同Menu張相係幾乎一模一樣，真係色，香，味俱全，加上價錢真係好合理，唔怪得門口成日都有大班人等位。　我得閒一定會帶老公Owen去試下，佢地實會鐘意。