芝士肉醬意粉

呢個係兩個星期前整o既，老公返中更，我同Owen都會整簡單晚餐或者係出街食就算，上次Owen忽然話想食肉醬意粉，我放工就去吉之島買料，因為只得兩個人，我無買到茄糕，因為只用小小費事浪費，只係用左茄汁同糖調味，不過都用左細半枝茄汁至夠。

做法好簡單：

燒熱油下洋蔥粒爆至半熟(1個，小的)，下蕃茄粒(1個，中形)，炒至出水份，下肉碎12兩(牛/豬/雞均可)炒至9成熟，下茄汁，糖調味。

(煮肉醬時，另一爐頭同時煮意粉）

將剛煮熟的意粉撈梢為瀝乾水粉，立即直接放入肉醬內（不要過冷河），讓意粉沾上肉汁便可上碟。　最後襯熱灑上芝士碎便可。

＊＊煮肉醬時不可太乾，否則放意粉後會更乾。　
＊＊意粉不要過熟，否則太淋不好吃。



加個煙肉炒露荀，呢個係就我同Owen的晚餐喇。