美味薑蔥炒蟹

好耐無炒過薑蔥蟹啦，星期日炒左一大碟，食到咀都損晒。不過而家d蟹比以前貴好多，唔係好大隻都要96蚊一斤，d 錢越來越!唔見駛喇。
不過有真係好好美o既。

材料： 蟹三隻，薑三大片，蔥隨意，（我緊係落好多啦)，肇興酒一湯匙

調味：蠔油1.5湯匙，生抽1湯匙，糖2.5茶匙，水2 湯匙 (唔同牌子醬料鹹度不一，自己試下味啦)

1) 蟹洗淨切件，瀝乾水份，撲上生粉以半煎炸兜炒至熟，起鑊，瀝乾多餘油份

2) 燒熱兩湯匙油，下薑爆至聞到薑香味，下蟹兜炒一會，下肇慶酒，兜炒

3) 下芡汁兜勻，下蔥，蓋上鑊蓋，焗一，兩分鐘，試味，便可上碟。

**如當日好多餸煮，可預早進行(1)，臨食飯再進行其餘步驟。