2013年10月28日星期一

日式咖喱蛋包飯







琴日早餐時,三口子商量晚餐餐單幾個提議之中,兩父子異口同聲話好耐冇食過日式咖喱蛋包飯,見Owen 進入測驗週,就順下佢意,當係同佢加油囉!

咖喱磚在日式百貨公司買嘅,半盒份量,加700g水就煮出美味咖喱,我只是加左D糖調味,日式咖喱煮得耐會太杰,薯仔粒我係預先切粒用水煮淋(再沖冷水備用),咖喱快煮好再放入去加熱就得 (注意D汁吾好煮咁杰,如太杰則加些水調較)

蛋包飯都有少少技巧,不過都唔係太難,下面就係個流程圖,做多一兩次,就會熟能生巧。

不過都要多謝老公,幫我打雞蛋同裝飯,兩對手一齊嚟就可以快速完成啦。

因為我的飯碗大,每個飯要用兩隻雞蛋先至包得晒,如果飯的份量少,可用較細的平底鑊,蛋的份量也可以酌量減少。




10 則留言:

  1. 真係好大碗喎,我食半碗就夠了。

    回覆刪除
    回覆
    1. 係呀,整實有碗幾,不過吾大又吾會靚,我都食吾哂,比仔同老公瓜分了。

      刪除
  2. 我以前第一次煮咖喱磚時,因為無經驗,煮無幾耐就好 "杰",仲黐埋底!

    回覆刪除
    回覆
    1. 係啊,要不斷攪,不能煮太耐,就算熄左火都會變杰,翻熱時要加水調一下。

      刪除
  3. 好大個蛋包飯, 畀我一定食唔晒

    回覆刪除
    回覆
    1. 其實係一碗多d,同出面食的份量差唔多,不過女仔食係多左d,老公同仔仔就唔夠食呀。

      刪除
  4. 好靚呀, 個蛋好黃
    個形又四正!

    回覆刪除
    回覆
    1. 今次用左中國紅黃蛋,真係黃好多,蛋香又足。

      刪除
  5. 比我老公見到車發癲呀...佢係蛋怪~

    回覆刪除