黃咖喱牛筋腩

上星期執冰隔，發確個底有大半包牛肋條o係到，　琴晚請客啱晒用,　今次用左黃咖喱，哈哈，又係泰式^^     個醬係舊年o係曼谷買o既，好平，我都係第一次用，唔太辣，味道唔錯，成為呢煲美味咖喱喇。  琴晚隨左飯，我仲煎左d｀ Roti，兩樣配咖喱一流呀．　



做法：

牛腩約1.5磅  
牛筋約1.5磅
薑片數片  / 冰糖1粒 (3/4個兵乓球大小) / 花雕1湯匙 /　雞湯適量（蓋過肉）
小薯仔3個（切件）
洋蔥２個（切片）
黃咖喱醬1.5包
雞粉2茶匙
Kara 椰漿（隨意）
魚露, 糖, （隨意）

 做法：
１）　 牛腩出水 (15分鐘) 撈起備用,　大煲燒滾水，加薑片數片  / 冰糖1粒 (3/4個兵乓球大小) / 花雕1湯匙，　放入牛腩約 　一個半小時 / 或到牛腩開始軟，將水份倒在一碗內備用（用隔油網網去湯上面的油份） 牛腩留鍋中備用


 2) 牛筋出水 (10分鐘) 撈起, 用另一小煲炆煮至軟(約30分鐘), 浸凍水過冷河, 瀝乾備用. 

３）　易潔鑊燒熱２湯匙油，細火爆香洋蔥，下薯仔爆炒一會，中間撥開一空間，下小許油爆香咖喱醬，下適量之前炆牛腩的湯煮滾，加雞粉調味，煮滾後轉回LC鍋中與牛腩同炆20分鐘，加牛筋攪勻, 最後試味，如需要可用魚露，糖調味。最後淋加椰醬便完成。

**不同牌子咖哩醬辣度／味道都有差異，　建議先用一包,　試味後再加.　
** 我用Kara 椰漿,　較杰身同濃味.　

**椰漿可增加香味同減輕辣度,　不下也可.　
**我用LＣ煲，　用水的份量較少,　用不同煲具,　水及調味份量請自行調整．