炆豬髀 (附食譜)

 呢個系喺筲箕灣泰國菜館冠泰食過, 其實做法同中式炆元蹄差不多,  屋企人好鍾意食,  今次全泰宴整左比D朋友食，上枱前去左骨切件，啖啖肉, D朋友好喜歡啊. 

豬髀比元蹄小, 炆的時間亦較短, 2個鍾就攪掂. 用LC煲, 較好時間掣, 每邊炆1個鍾就掂, 簡單到無朋友阿. 


 材料: 


新鮮豬髀1隻(約2斤)
滷水1.5份(按此往Owenmama滷水食譜)

1)  用一密封煲煮滾滷水 (食譜按上面連結)
2)  豬髀洗凈，抹乾，在豬皮上塗上小許老抽醃10分鐘, 用廚紙抹乾豬髀備用
3) 易潔鑊燒熱4湯匙油,　轉中火放進豬髀，爆走油（只要均勻哋爆過豬皮表面便可，見下圖)
4) 撈起豬髀投入冷水中浸5分鐘，　再撈起投進滷水中炆煮
5) 蓋上煲蓋,　轉最小火,　炆一小時
6) 完成後反轉豬髀再炆一時至豬髀淋軟便可

＊＊可原隻上檯,　或好似我咁去骨切件上檯，豬髀很淋,　只要用刀輕輕一切便離骨,　很容易啊.　

＊＊滷水份量視煲的大小而定,　我用LC Oval 煲水不易蒸發，汁不用蓋過豬髀（見圖), 但用其他煲具, 則要自行觀察調節.