貪得意 - Creme Brulee 蛋殼版

之前朋友仔去完台灣旅行，買左d o個邊好出名o既蛋殼布丁返黎比我地做手信（係免焗的雞蛋布丁)，見到咁Q咁得意，我都想整。　於是ｏ係網上搵有關用具ｏ既資料。 見到Moon提供過心甜有得賣，就去買黎玩下。 雖然功夫多，但係整出黎真係好可愛，而且份量ｏ岩晒女仔食，very good:)

不過原來都唔容易架，將開蛋棒笈再蛋上，拉起彈珠彈一，兩 下，蛋殼就會裂左，之後用小刀沿裂痕切開蛋殼，就會開到啦。　不過因為彈裂憚殼個位置唔係咁原整，加上要好小心咁用手指去左入面層蛋衣，所以整左４隻，只 得兩隻係較靚ｏ既，其他的都係崩口。　而且焗既時間要用小布丁杯去固定位置，唔係就企唔穩，其實都幾難攪，下次都係做免焗布丁好了。

 

哈哈，咁o岩之前朋友仔送左合金莎比我，個盒就o岩晒我留黎放雞蛋布丁喇。下次做免焗版就容易好多啦。  老公仲話咁都比我諗到，其實師奶仔無野叻，最叻就係費物利用喇。