温泉蛋和風意粉

琴日老公返工Owen仔又去街，得返Owenmama一個，吾想捱飯盒，買左包本菇，再用盡屋企雪櫃內的存貨，做左呢個意粉。動動手，一人晚餐也可以好精彩。

做法好簡單:

溫泉蛋:  

室溫蛋放入65度水中煮25分鐘便完成.

和風意粉

意粉(1/4包)

煙肉一片切粒, 本菇半包, 洋蔥1/3個切絲

蟹子(可免)

汁料:

味琳 2湯匙 (日本甜味料理酒)

生抽1.5湯匙

**(不同品牌生抽鹹味不一, 要試味呀)

１）意粉煮至９成熟

２）同時用易潔鑊下小許油爆香洋蔥，　煙肉,　下本菇炒至軟身

３）下汁料煮熱,　撈起意粉瀝乾直接投入鑊內,　

４）當意粉沾汁便可上碟, 放上溫泉蛋便完成.

(因意粉類上碟後會繼續吸汁, 不要讓意粉吸盡汁才上碟, 否則會太乾)

**先煮意粉, 至8成熟便可從 (2) 開始, 時間就剛好喇.

牛油煎帶子配蟹子菠菜蕃茄

呢個前菜簡單好味,   仲好有餐廳feel添!   你哋都試下啦, 老公實讚你叻女呀.

材料: 

大帶子(刺身) 3粒 (室溫退冰備用)
菠菜數棵
番茄片3片
蟹子小許

汁料:  煮溶一茶匙牛油(無鹽), 加一茶匙淡味生抽混合便可.

做法:

帶子做法簡單, 燒熱易潔鑊下1 湯匙牛油, 1湯匙橄欖油, 放進帶子中火煎至8成熟, 兩面金黃 便可 (煎的中途每面灑小許鹽).

菠菜只需用滾水(加小許鹽)煮至軟身, 隔水被用.

最後按圖組合, 灑上數滴汁料便完成.

(2) 公平伯爵檸香骨

為咗答謝公平棧送我伯爵茶同茉莉茶，除左用佢地做左d較普通既茶凍, 仲用伯爵茶創作左個主菜, 以伯爵茶代清水炆左呢個好睇又好食既檸香伯爵排骨。  淡淡茶香味加埋檸檬香，今呢個濃味菜式變得清新了。



食譜:


腩排一斤 (要帶點肥的先夠滑)


醃料:

生抽2茶匙
糖2茶匙
花雕2茶匙
豆粉1茶匙
-先將以上與排骨撈勻 再下油1湯匙


調味:

公平伯爵茶(無糖) 300ml
生抽3茶匙
老抽2茶匙
冰糖1小粒
片糖1/3片
檸檬汁(半個)
檸檬皮 小許(只刮黃色的部份,否則會苦)


1) 排骨斬成一口大小, 用醃料醃數小時 (我放了入雪櫃醃了過夜)
2) 用半煎炸方法將骨煮至8成熟, 撈氣隔去多餘油份,
3) 轉至LC煲內, 加入調味料, 中火煮至大滾, 轉最慢火上蓋炆30分鐘或至骨軟化
4) 開蓋, 轉中火將汁收乾,  試味, 如需要用糖, 生抽作最後調味.



**我用LC煲炆骨, 用的水份會較用一般煲少, 而且時間也較短, 如用其他煲具, 則請自行觀察及調節.

****************************

「公平伯爵」及「公平茉莉」

全港第一個有國際公平貿易認證的樽裝凍茶， 產品名為「公平伯爵」及「公平茉莉」，這樽裝的伯爵茶是第一個本地製造的伯爵樽裝茶，優質的茶葉採自印度大吉嶺公平茶園，不含防腐劑及人造色素，保鮮期短，新鮮好飲。由於是公平貿易產品(以合理價格向農民購買茶葉)，故此消費者購買的話，可惠及發展中國家的生產者(良心消費).  「公平伯爵」及「公平茉莉」現已在百老匯及AMC有售, 公平貿易產品，既有益又可幫農民同基層人士，你地都是支持下啦。

想多了解公平棧請click: 

https://m.facebook.com/FAIRTASTE

「我嘗到的公平味道是...」Facebook活動

另外, 公平棧會於7月22 日至8月23日起在其粉絲專頁舉行「我嘗到的公平味道是...」比賽, 參加者將喝到的公平茶味道寫下 (如可以, 連同簽名), 然後用手機拍下, 及上載至公平棧的fb專頁, 最多人like的就會獲獎。你哋都一齊參加啦。 

(1) 公平伯爵/茉莉茶凍 配 碎腰果糖粒

多謝公平棧上星期送我佢地自家製嘅產品，包括樽裝無糖公平伯爵及公平茉莉茶，同由本地基層婦女製作嘅有機腰果糖。近年為健康著想，飲品都以無糖為主，市面上好少無糖茶賣，呢隻樽裝茶啱哂我。我就用盡樽裝茶同腰果糖創出新鮮配搭嚟答謝公平棧。

呢個簡單茶凍，濃郁茶味配上香脆腰果糖碎，兩種食材味道同口感對比強烈，不錯呀立即變成不簡單。

仲有一個用茶入饌嘅主菜遲D會介紹比大家。

茶凍食譜（每款4杯）：

公平棧樽裝伯爵茶 （無糖） 250g
砂糖 1 3/4湯匙
*蒟蒻粉13g

公平棧樽裝茉茶 （無糖） 250g
砂糖 1 3/4湯匙
*蒟蒻粉13g

*不同牌子蒟蒻粉加水份量不一,請按個別包裝上指示做

裝飾：

公平腰果糖數粒
鮮忌亷小許

做法 （兩種茶味分開處理）：

1）中火煮滾茶加砂糖，至糖徹底溶化 (試味，如需要按個人口味加糖）
2）轉慢火加入蒟蒻粉快手攪拌至粉完全溶化，
3）關火，襯熱倒進容器，
4）置室溫徹底攤凍，雪2-3小時便可倒扣上碟
5）唧上忌廉，灑上敲碎的腰果糖粒便完成。

**亦可伴花奶食，但較平凡，配腰果糖風味較特別。

「公平伯爵」及「公平茉莉」

全港第一個有國際公平貿易認證的樽裝凍茶， 產品名為「公平伯爵」及「公平茉莉」，這樽裝的伯爵茶是第一個本地製造的伯爵樽裝茶，優質的茶葉採自印度大吉嶺公平茶園，不含防腐劑及人造色素，保鮮期短，新鮮好飲。由於是公平貿易產品(以合理價格向農民購買茶葉)，故此消費者購買的話，可惠及發展中國家的生產者(良心消費).  「公平伯爵」及「公平茉莉」現已在百老匯及AMC有售, 公平貿易產品，既有益又可幫農民同基層人士，你地都是支持下啦。

想多了解公平棧請click: 

https://m.facebook.com/FAIRTASTE

「我嘗到的公平味道是...」Facebook活動

另外, 公平棧會於7月22 日至8月23日起在其粉絲專頁舉行「我嘗到的公平味道是...」比賽, 參加者將喝到的公平茶味道寫下 (如可以, 連同簽名), 然後用手機拍下, 及上載至公平棧的fb專頁, 最多人like的就會獲獎。你哋都一齊參加啦。 

Owenmama's Lasagna

上星期去Apita買餸, 見到有個意大利粉Counter，全線特價，見到有包波浪紋的Lasagna好吸引，自己又未煮過，就買黎試下。　不過事先聲明，我做的版本並不正宗，但係絕對簡單同好味，仲唔無咁高卡，因為我淨係ｏ係面層落左芝士，中間完全無加。　

琴晚又係得我地兩母子，最好就係試整新野喇。　　　我係用現成意粉汁（之前特價買落，折左$13一包）足夠整二人份量，全程唔計焗，只係２０分鐘就攪掂。　放左入爐去沖個靚涼，出黎就有熱辣辣ｏ既Lasagna食。　　


食譜（２人份量）

Lasagna ４片　免治牛肉２２０ｇ/ 紫洋蔥（小）１個切粒/ 意粉醬１包 /　 ／Parmesan Cheese 碎 (或其他芝士碎也可) / 茄汁2湯匙 + 糖適量(有需要時調味用）

- 燒熱小許油，爆洋蔥粒，至聞到洋蔥香味便可加入牛肉，炒至牛肉熟透
-下意粉汁，攪勻，煮滾，下茄汁，糖作最候調味，關火備用
- 焗爐預熱至220度
- 燒熱一鍋水，將Lasagna放進，細火煮2分鐘，撈起一開為二備用
- 焗盤先放一層肉醬，舖上一片Lasagna, 再重覆舖上肉醬，Lasagna，
- 在最面一層的肉醬上沙上芝士碎
- 放入焗爐焗20粉鐘就食得啦。

＊＊每隻意粉醬的味道都不一樣，要自己試味，必要時加茄汁/糖調味就ｏｋ了。

上湯大蝦伊麵

上星期朋友到我家打牌加飯聚,  反正抽水買餸, 就敗家D, 買D好嘢大家分享.
當日去見D大蝦好靚, 就買左一斤半, 每人兩大隻, 加埋伊麵底, 呢個係最強組合.

呢個睇落似高吸組o既菜式, 其實一d都吾難, 你都不防試下, 包你d家人朋友大讚㗎.

食譜:

大蝦一斤半


大伊麵2個 (小的3個)

雞湯500ml + 胡椒粉  / 麻油各小許
生粉水適量

蔥粒小許


1) 蝦洗淨, 抹乾剪腳, 剪去頭部尖角備用

2) 易潔鑊中火燒熱油, 下遐半煎炸蝦至熟, 撈起瀝乾油份備用

3) 伊麵用熱水煮熟,  瀝乾放碟上備用
(水滾下麵, 用筷子弄散, 開始便軟便立即撈起, 瀝乾放碟上, 伊麵過熟就會糊, 不好吃, 最好煮完一個再下另一個, 較易控制)

4)易潔鑊中火燒熱2湯匙油, 蝦回鑊略煎兩面, 下雞湯煮滾,即下生粉水推至成薄芡,    將蝦排在伊麵上, 再淋上芡汁,  灑上蔥花便完成喇.