溏心滷水蛋

新年去左日本玩，其中一餐食左一隻好好味ｏ既溏心滷水蛋，一路都好掛住，原來自己動手一ｄ都唔難，只要時間掌握得好就零失敗，你地都試下啦。今年復活節唔食復活蛋，改為食溏心滷水蛋都唔錯呀。

做法：

蛋(室溫)，隨冷水煲至水滾(水要過蛋)，

水滾後開始計5分鐘 (其間用鑊剷輕力移動雞蛋，不要蓋煲蓋)，之後立即撈起過冷河。 

完全冷卻後去蛋殼放入滷水中浸1-2天就得喇。

＊我用o既係大蛋，時間應按蛋大/小調節一下。

(我今次好懶，只係用現成滷汁咋，切記滷汁要較甜一點，太鹹唔好味架)
我都係第一次整就成功，你都試下整啦。