雲石紋戚風蛋糕 - 如何劃花 demo video

戚風蛋糕確係人食人愛，口感軟綿綿，又好味。　我上星期一口氣做o左兩個黎招呼親友。　個個食完都問ｄ朱古力花點整，話好靚喎。　　其實有ｄ網友都曾經問過我呢個問題，我用文字解答過，咁ｏ岩ｏ個老公得閒，就叫佢幫我拍低佢同大家分享下。　想做出靚靚雲石紋戚風蛋糕並不困難，睇下呢個示範就知點做。 今次我只示範了兩層隔花，如做三層隔花的話，雲石效果更美，朱古力味更濃。

紐紋戚風：  普通7吋原味戚風蛋糕食譜，用深碗將兩大湯匙無糖可可粉加適量熱水拌成朱古力糊，把1/4蛋糕麵糊加進，變成朱古力蛋糕麵糊，再跟demo video 做法就得啦。


如何劃花 demo video :  Demo Video

**之前仲有朋友問紐紋芝士蛋糕點劃花，其實方法同呢個大同小異，只要將朱古力部份用匙羹一點點的放再蛋糕漿上，用小刀/竹簽在面層撩出花紋就得（不用撩到底）。