青咖哩雞飯 (一人晚餐食譜)

仔仔去寄宿，老公要輪班， 而家一個月有一半時間要一個人晚飯。   唔想成日去快餐店， 自己郁手冇難度。 宜家開始，我會為大家介紹多D一人晚餐食譜， 以快手， 好味為目標。 單身嘅你，又或者你同我一樣情況，可以參考下。


材料：

去皮雞扒肉120g
鹽1／2茶匙
青咖哩醬 1 1/2湯匙 （我用BLUE ELEPHANT）
泰國茄子2粒
金不換葉2棵
水適量
杰身椰漿 70ml
魚露 1／2湯匙
糖1／2湯匙
白飯適量

雞肉去皮切成小塊， 用鹽醃最少半小時（如方便放工後做， 可早一晚醃定）， 泰國茄子切開， 金不換剪成段












用易潔煲燒熱小許油， 下雞肉中小火爆至半熟， 下咖哩醬及適量水， （不用蓋過雞， 否則加椰漿後會太稀），可用不同品牌嘅咖喱醬，但辣度和味道未必一樣，請自行調教。

投入泰國茄子， 蓋上蓋慢火煮5分鐘，

開蓋， 下金不換














下椰漿(建議用較杰身這種， 否則效果不一樣)， 魚露及糖調至啱自己的甜度。 （我覺得青咖哩要帶甜才似樣）。

轉中火煮至再滾起便完成。



**這味菜式的調味很個人， 好辣可下多點咖哩醬， 但相對會影響／椰漿／魚露／糖的份量， 請按個人口味自行調較。