金蒜粉絲蒸帶子

琴日在家為大姑奶提早慶生宴其中一味菜,   今日先同大家分享呢個美味帶子食譜，呢個蒜蓉醬超惹味,  仲一D味精都無, 仔仔用個蒜蓉醬撈左兩碗飯呀.

今次買到特大新鮮帶子，我預每人兩隻，將佢哋搬埋同一個殼上，一盤過蒸哂，吾洗分兩次方便好多。

帶子裙邊較韌， 吾喺個個喜歡， 但為咗唔浪費剩下的粉絲同金蒜醬，我將佢另外用碟上蒸咗3分鐘，結果都清哂。


食譜:

鮮活帶子10隻

粉絲適量，事先用水浸軟

金蒜醬半份：　按此往 - 金蒜醬食譜


蔥花適量



做法：

帶子去內臟洗淨，舖上適量已浸軟粉絲，和灑上適量金蒜醬，大火蒸５分鐘，最後淋上用糖調味的生抽，灑上蔥花便可上桌。

**蒸煮是間請按帶子大小自行調較, 今次係特大，所以用咗5分鐘。

今次請客再出動蒸爐，一次過蒸肉，魚同帶子，只用明火煮其餘兩味，有呢個好幫手，請客好輕鬆呀。