小型甜品宴

琴日一班老朋友再黎我屋企飯聚，　多謝Anita & Queenie 客氣幫手整左幾味，我只係整左五個餸， 好輕鬆，所以可以專心整幾款唔同o既甜品比大家試下。 佢地上次黎，對焦糖燉蛋讚不絕口，所以今次encore， 跟住整左兩個佢地未食過o既甜品 - 檸檬芝士凍餅同埋Chocolate Fudge Brownies。　　佢地好滿意，一班人食得好開心呀。好耐無整過檸檬芝士蛋糕，酸酸地，感覺好清新，ｄ味蕾都醒返晒，大朋友勁讚, 小朋友喜歡Brownies 多d喇。

Chocolate Fudge Brownies, 大人細路都鐘意，大朋友仲立即要求我開班教佢地添，應承左佢地下星期六開班，佢地都係烹飪能手，對佢地黎講一定無難度呀。

今次畫左唔同朱古力花，有花有葉有心心，仲有瑚蝶添呀。