金不換沙白

 

 

呢排街市好多貝類海產賣， d沙白仲平到20蚊一斤，前日買左一斤，用蒜蓉白酒煮，見雪櫃仲有整青咖哩剩底d金不換，就加埋落去，結果好香好夾，呢個新版本又成功左喇 。 真係簡單又好味呀。

材料：

沙白(或蜆或花蛤)一斤/  蒜蓉1-2茶匙  /  白酒1/3碗  / 雞湯適量(幾乎浸過沙白便可) / 金不換隨意

做法：

-小煲燒熱小許油，爆香蒜蓉

-下沙白(臨煮時洗淨)，再下白酒兜鈔一會，下雞湯，

-待沙白剛開口，下金不換攪勻，熄火便可享用

**溫馨提示：

-沙白煮至剛熟便可，大熟d肉會老，影響賣相同味道。

-沙白同蜆類最緊要係無沙，唔係就會成煲沙，最好幫襯相熟攤檔，買預先吐了沙的.