2008年12月28日星期日

羅宋湯 + 西餐



食左咁多日豐富晚餐,真係要比腸胃透透氣。見街市難得有紅菜頭賣,就買材料煲羅宋湯吧。 隨左上面個d,仲有寧檬,月桂葉同牛腩碎,好足料架。

琴晚阿爸同阿媽過黎食西餐,我就煲左大煲羅宋湯,佢地四個就食羊扒,肉眼,同牛油煎龍利柳,仲有白汁磨菇飯,兩樣蔬菜,湯仲有法包添,好豐富。 我就淨係飲湯同食法包。




食左咁多日豐富晚餐,真係要比腸胃透透氣。見街市難得有紅菜頭賣,就買材料煲羅宋湯吧。 隨左上面個d,仲有寧檬,月桂葉同牛腩碎,好足料架。


琴晚阿爸同阿媽過黎食西餐,我就煲左大煲羅宋湯,佢地四個就食羊扒,肉眼,同牛油煎龍利柳,仲有白汁磨菇飯,兩樣蔬菜,湯仲有法包添,好豐富。 我就淨係飲湯同食法包。

麵包布丁 (附食譜)




琴晚食完西餐,剩低幾片法包,o係唔朗費的原則底下,就用佢黎整麵包布丁,呢個甜品間單又好味,不防一試架:

材料:

全蛋 - 2 隻    糖  - 2湯匙 (或隨意)

脫脂奶 - 150ml       雲呢拿油 - 小許


1) 奶+醣加熱至糖完全溶化 (不用煲滾)

2) 奶攤涼倒入已打散的蛋液中拌勻, 過濾,備用。

3) 麵包放入杯內,倒入蛋汁(要讓麵包沾滿蛋汁),加入提子乾 

4) 放入已預熱200度的焗爐,座水焗約20-25分鐘便可。

2008年12月27日星期六

懶人雞翼 (食譜)






琴晚係boxing day, 25號party玩左通宵 (我地11個家長分左兩枱台灣牌),每年都係咁,一年得一次,梗係去盡d啦。  琴日三點先起身,草草地食少少野,就要"諗"夜晚食乜。 
個人好累,都係越簡單越好.

食譜: 

雞翼14隻大)
四季鹽焗雞粉一包

將雞翼解凍抹乾,再拌入鹽焗雞粉,醃最小2小時,焗盤舖上已掃油(1湯匙)的錫箔紙,再舖上雞翼,放入預熱250度焗20-25分鐘,唔駛反,就食得。d雞翼會再出d油,咁就會好次半煎炸咁,好正架。 又簡單,o岩晒懶惰但為食的我。

2008年12月26日星期五

puff mountain for Xmas party






琴日開party,一早以經構思左整puff做甜品,因為呢樣添品用手拎o黎食就得,唔駛再開餐具用,環保d。  同埋我覺得佢真係好易整。今次做左兩個份量(分兩次整,因為焗爐每次只可以焗一個份量,  仲整左兩個口味, cream 同埋custard,  係想面淋上朱古力漿同灑上糖粉就食得啦。
d細路一見到座泡芙山,個個都好雀躍啊,嘩嘩聲叫,食得好開心呀!!

2008年12月24日星期三

Xmas party




每年的聖誕party,多數係o係我屋企舉行,而且多數都係由我煮大蓋20人的晚餐 (係呀,整係細路都有8個呀),雖然我地會order 壽司同pizza, 但係都要整8,9樣食物。 今年呀嫂好體貼,介紹左一間泰食到會,我就唔駛整咁多,整係整d細路仔式的腸仔呀,魚蛋呀咁咋。

我仲整左一大批cream / custard puff 砌成一個山比小朋友食。  真係好輕鬆呀。d食物仲好好味添呀。
細路最開心係交換禮物,仲即刻拆開o黎玩,最受歡迎係之AK47,大人細路都輪住玩,仲個個笑到卡卡聲添。 佢地成班又出世一齊玩到大,睇見佢地玩得咁開心,我地成班大人都好心甜呀!!




2008年12月14日星期日

opera cake







食譜: 美味DIY

想整opera蛋糕好耐啦,今日終於有幾會,中午同啊b去完圖書館,去姿整入貨,仲買埋藝術糖黎玩。  DIY的示範 ,好似好簡單,自己試整時,原來個蛋糕脫模後會縮小小水,唔貼模,所以大家見都我個蛋糕邊個度d牛油餡好似好厚,因為我要用d咖啡牛油去填d虛位,唔係面個浸軟心朱古力就會流晒落底 ,大架睇個橫切面,一共有五片蛋糕,d餡都係薄薄地架咋。  以為啊B會唔鐘意咖啡味,只係切左一小件比佢,點知佢好鐘意,要encore 添。

輪到藝術糖(老闆話珊瑚糖) 撒得唔夠多,做唔到正常的效果,就執生o係佢溶左未定型,就用枝竹簽撩左d花出o黎,結果都ok啦,不過下次知要落多d先得。

今晚李太同關太都無去街,實行一個蛋糕三家分,大家都讚好味呀。

在此,多謝關太琴日請我食鮮奶燕窩,同李太前幾送我除塵手套。 更多謝你地欣賞我整的蛋糕。
 
**注意,示範係用四隻蛋,但我只用了三隻蛋的份量(其餘材料全部按比例刪減),因為平時整兩隻蛋的份量,已經個過個模一半,我怕會太多蛋糕漿,會焗瀉,果然三蛋係剛剛好。

2008年12月13日星期六

不浪費 - 鮮奶燉蛋 (食譜)







星期四食完晚飯同老公去百街幫阿b買零食補倉,買左一大袋野,行到樓下再買雞蛋,老公拎住大環保袋,我就幫手拎袋蛋。 

兩公婆一路行一路傾,忽然聽到“拍”一聲,無錯,係爆蛋聲,同老公傾得太投入,隻手”fing fing”將袋蛋“亨”左落路邊條大石柱度。  返屋企檢查,好彩得一隻裂左,掉左佢又浪費,雪櫃有半包奶,用得唔好晒,加d糖就可以整鮮奶燉蛋,一碗三個人一人食一d,咁就無浪費啦。 我仲加左兩滴雲呢拿香油添,熱辣辣,好香甜,又滑滑添。
 

材料

大蛋  一隻,奶約    120ml,糖   隨意

**用錫紙蓋面,中火約10-15分鐘至熟

2008年11月30日星期日

土魷肉餅煲仔飯


今晚得我同阿B兩個食飯,懶懶地整個煲仔飯,加個清炒菜心,咁又一餐啦。今次係整土魷肉餅飯,本來我相加個鹹蛋,但啊b反對,一票對一票,咁就算啦,Daddy唔o係到,無人幫我投票,咁下次等Daddy先落啦。

經過上次經驗,我落小左少少水,煲飯一粒粒,就好靚啦。

**平時整肉餅會加水去撈,但係整煲仔飯的肉餅就唔需要,反而要落多少少油,唔係會好乾架。
**記得o係肉餅上篤好多個洞 (篤到落底),唔係蓋住d米唔通氣,下面d飯會好濕,d肉餅又好難熟架。

2008年11月28日星期五

白白+滑滑 -  鮮奶蛋白 (食譜)





呢排天氣開始轉涼啦,坐o係屋企凍凍地,成日都係整凍o既甜品,忽然慼起條筋,不如今晚整個熱o既黎食。 呢個甜品超簡單,只要屋企有奶,蛋同糖就得。

就係 ─── 白白滑滑o既鮮奶蛋白
整好攤一陣就食得,即刻暖笠笠架。

以下分量可以整兩碗,同老公兩份食一碗,另一碗留返聽日凍食。
 呀仔反而唔吼,佢寧願食雪條,無佢符。
--老公雖然好fit, 但係膽固醇高,所以唔落d蛋黃啦。

材料:

鮮奶 250g       1.5 湯匙 (或按自己口味調教)
蛋白  3 (細蛋)

1)  鮮奶加糖加熱,煮至糖溶 (不要太熱,d糖溶晒就得),攤一降溫**
2)          加入蛋白,用電動打蛋氣打勻 (不要打太耐)
3)          過濾兩次,倒入碗內@@,蓋上錫紙,(中火)隔水蒸10-15分鐘便成
         @@(時間視蛋size及火力)


**鮮奶加熱後要攤一會(或坐水減溫) 才加入蛋白,太熱會便蛋花架。
@@如過不用碗,改用較淺身溶器,好縮短蒸的時間。

2008年11月25日星期二

木糠布丁 - 消化餅版本 (食譜)






阿B話好耐無食過木糠布甸,成日都叫我整,真係怕左佢。 今日食完飯,襯佢兩個落街打波,我就哩入廚房發功。  呢個甜品真係最容易,連魚膠粉都唔駛落。我本來諗住用樽仔整會靚d,但係完來用樽仔整個樽口太細,入cream 同餅碎時會難d,攪到個買相都無咁靚添,下次都係用返杯整會靚d啦。 
今次一家三口一至通過用消化餅,大家都認為會香口d,等我試o下好唔好味,再講比你地知o下。  (琴晚食左啦,我地都覺得消化餅比馬利餅好味呀)。

材料 (約5樽份量)

淡忌廉   250g       鍊奶   50g
雲呢拿油數滴       馬利餅 / 消化餅 70g

1)          餅乾敲碎成木康狀備用
2)          淡忌廉打至7成起,加入鍊奶,雲呢拿油,再打至杰身
3)          一層餅碎,一層忌廉,重複放容器內 (用唧袋會好d)
4)          放進冰格雪1,2小時便成。

*唔喜歡食大硬好放雪櫃上格, 要雪耐少少,不過我覺得硬硬地好食d。同埋整得4樽,實一次過食晒,唔會剩低,hehe……

2008年11月23日星期日

自製紅燒乳鴿 (附流程)




似唔似樣呀!  老公同阿B大讚皮脆肉嫩。 又多一個宴客菜啦。

我不嬲都係乳鴿癡,出親酒樓食飯,必叫紅燒乳鴿,睇完Minicorgie的網頁,結合佢的做法再用自己的滷汁同煮食經驗,同o係麥芽糖水內加入白醋(呢個係其他網友的做法),集各家之大成,決定要挑戰一下,結果係非常成功的。  在此再三鳴謝。

其實呢個菜並無乜難到,最緊要係天氣乾燥就最好,如果風乾唔夠,就唔脆架。

有一樣野好神奇,隻鴿明明煲完係白"sai sai"的,但係搽左糖醋水,風乾時會越來越深食,炸完真係會變得咁靚架和。 等我初時仲擔心炸完會唔夠顏色添。




1) 用花椒,八角,老抽,生抽,鹽,糖,玫瑰露,水開滷水汁 (呢個係我自己用開的滷汁,比網上搵到的食譜間單)。

 試味,要鹹d,因為乳鴿未醃過,無味架,要靠d滷汁比d味佢。 煲滾放已出水的乳

下次會試o下先用d鹽醃一個鐘先,可能會更入味)鴿,滾起後轉細火煲20分鍾。




2)跟住開麥芽糖水,一碗水加一湯匙麥芽糖,再加入3/4湯匙白醋。










 


3) 熄火把鴿撈起即沖水洗淨(刺穿眼部,免炸時爆),再掃上(2),等幾個字再重複一次,然後風乾數小時。 

 (我一共風乾了7小時,琴日無乜風,其中兩小時用風煽狂吹)






 














4) 用大滾油(中火)把乳鴿炸至今金黃,臨撈起前轉太火炸一會(迫出多餘油份),撈起,瀝乾,攤10分鐘便可切件,以淮鹽佐食。









稍為攤凍先斬件上檯. 

2008年11月8日星期六

分甘同味 - 紅酒炆牛尾






**實物因較多汁,只好夾起機件影相啦。


B下星期開始測驗,今日唔可以去街,阿B話好想食牛尾,我話你如果肯比心機溫書,就整比佢食。   呢個餸製作需時,又要溶雪,切好多粒粒(蔬菜),平日要返公無可能整到。  
都好,上次我整炆牛尾無試過加紅酒,碰巧屋企又一枝紅酒放左好耐(因為老公嫌佢太”KUN”, 飲少少就會”Wing”),  一於要黎炆牛尾,反正放o係到都係封塵。

今次加左紅酒同月桂葉,同上次有d分別,我覺得個味到比之前豐富d,有隱隱的酒香,顏色偏深紅,同係街食的好似添。

今次一次過炆左兩磅,反正都係要炆咁耐,就炆多份分比隔離關太,一於分甘同味啦。
**呢個餸太好送飯,阿B同老公兩個每人食多一碗飯,當然無預到喇,攪到老公食到一半要落去燒味店買多個白飯返黎先夠食。 hehe........

2008年11月7日星期五

好軟熟呀!!






今日下午,閑來無事,落街食飯時,見都d芒果好靚,有夠熟,最好要黎整甜品啦。 諗起芒果糯米茲了。 睇左網友的網頁,屋企淨係得糯米粉同椰汁,所以參考左她的食譜,改o左少少,粘米粉一買要買有一大包,十年都用唔晒,無用到,分量改為同樣重量的糯米粉;食譜只要200ml 椰汁+200ml水,屋企得一罐400ml的揶汁,唔想浪費,索性唔加水,淨用椰汁。用小量椰汁溶左d糖就再加埋原有的椰汁,一邊攪一邊加入粉類內,重點係唔可能有粒粒。 再蒸15分鐘。 攤凍就包得,再碌椰絲,結果都好軟熟呀!!
 
材料 :

糯米粉 150g     
糖  80g
吉士粉 10g               
椰汁    400g  / 油 1湯匙
芒果肉 1 1/2個 切粒
椰絲適量

2008年11月4日星期二

大閘蟹,I'm Back!!!



因為有孝在身,不方便去人屋企,d朋友好好,星期六約埋黎我屋企食蟹,d蟹好靚,足5兩,係老三陽買,我地約埋三份人去分一籮,本來要80蚊,而家56蚊就有一隻,我地o個份都有16隻架,兩個鑊一齊開,都要分兩次先蒸得晒。 d蟹好靚,爆晒羔,連d腳d係黃食架。

我有幾年無食過大閘蟹,因為試過兩次食完幾個鐘之後都嘔,唔知係太寒定係太肥膩。 但係d朋友咁有心,d蟹又咁平咁靚,一於搏一搏,今次真係無事喎,咁就好喇。   終於可以大聲講:大閘蟹,I’m back!!!

2008年10月31日星期五

豉油雞









琴晚爸媽去阿姨到幫婆婆執倍葬衣,我地自己煮飯食,老公放假,一早就叫佢買定餸, 平時都係咁架,佢買好野,洗好切好我放公就煮得,點知佢買完餸去跑步跌倒,兩隻手背損晒,手腕仲扭傷埋,完全唔掂得水,連郁o下都痛。 買晒餸都局住要煮,今日洗,切,煮加埋洗碗都要一腳踢,我呢世人最怕洗碗,不過無計啦。

一放工第一時間衝入廚房,煮落隻雞先,因為整好仲要攤半個鐘先斬得。 跟住仲要洗洗切切其他餸。 真係一頭煙。
 
平時我整係入去煮,出黎就食,食飽就蹺埋手坐o係疏化,因為老公會一手攪掂晒全部野。 今日就唔同,乜都係我一手做,食完仲要執同洗碗,真係好厭惡呀!

我同老公講,完來平日你係咁多野做架,你唔係整親我都唔會體會到呀,我以後會多d幫輕你架啦。

只好講句 "I've today!! - 我都有今日囉"

 
我係用呀媽傳授的,只係用左老抽,生抽,水同埋沙糖咋,都一樣咁好味架。




2008年10月29日星期三

別了 - 婆婆!!


今朝媽媽收到醫院的電話, 說婆婆很危險,她和爸爸會去醫院看她。

因為已往曾經收過數次類似電話,婆婆也大步過。 不過,這次卻不一樣。

我照常上班,但到半路,爸爸打來說婆婆走了,媽媽在醫院暈了。 我立即轉往灣仔律敦治醫院,去見她最後一面。 

慶幸今天老公休假,阿B昨天運動會,今天也補假,我們一家三口,也可送婆婆最後一程。
 
她去得也安祥,像睡了一樣,這是我們很安慰的。 走出病房,看到哭得一臉紅腫的媽媽,心很痛,媽媽雖有心理準備,但仍暈了數次,可感到他有多傷心了。媽媽真的很愛婆婆,我立即想起有時我們倍媽媽去探婆婆,每次佢都會撫著婆婆的前額,眼濕濕 / 溫柔的和她說話,好像和BB說話一樣的語氣,就知她很愛婆婆。

我也想起很多婆婆和我們三兄弟姊妹的兒事往事,婆婆真的很愛我們呀!!
婆婆,我們也很愛你呀!!

感謝上天讓婆婆離開病魔的折磨。

婆婆,在此,希望你一路好走,(記得聽媽媽話,走向有光的路呀,唔好行錯)甚麼不要記掛了,我們一定會好好照顧媽媽,和兩位阿姨的!!

2008年10月27日星期一

黑白(牛奶/朱古力)布甸





呢幾日都無時間整甜品,因為成個經濟大氣候實在太差,每日都係聽d負面消息,個人都down 晒。 不過希望在明天,希望黑暗日子快d過去,全世界d人都開心返啦。
食甜品會令人有開心的感覺,一於整d甜品,”tum” o下自己同屋企人開心先。
想整牛奶布甸,亞B話想試o下朱古力味,但係我同老公都麻麻,所以每個味整半份,咁就皆大歡喜啦。

2008年10月24日星期五

美味泡芙 puff







琴日野晚先去荃灣做節,7點先出門口,最好就係整d野食啦。 o係工具盒度見到得登為puff 而設的唧咀 ,買返黎都未用過,都卜勒好耐無整過puff, 加上睇完私房秘方,更加手痕。

用左Vanlily的食譜,先整左個custard  醬,放入雪櫃,再開工整puff.    私房秘方教用差o係泡芙上壓格仔紋,話會膨脹得好d,又跟佢試o下,個樣好次好靚,hehe...

今次整得比上次進步,個底厚好多,唔會好似上次咁無底喇。 再淋上少少朱古力醬,再雪一陣,就食得啦。





壓花後





真係脹卜卜


2008年10月20日星期一

補你大,唔好變硬啊 - 雲石芝士蛋糕




嵐嵐遠道從上海返香港,我地約佢今日同佢補祝生日,佢話要食我整o既蛋糕,我當然樂意道極喇。

有好長時間無過大蛋糕,成日都係整小甜品,都驚自己有d生疏,好彩呢次我揀左整雲石芝士蛋糕,好容易整。 呢個蛋糕,我係舊年爸爸生日都整過,好彩整出黎都好似樣呢(今似d花無咁有規則,隨意d)。hehe...... 不過,同VC(原作者)比,當然仲有一段距離啦。

今朝拎左個蛋糕返公司,Anita 話佢今日要外出做野,返唔到食飯,為左要齊人,結果打比嵐嵐改聽日食,個蛋糕當然都要留到聽日啦,從未試過自己整o既蛋糕雪兩日先食,好擔心聽日唔知會唔會邊都硬掘掘呢?
 
嵐嵐咁耐無食我o既蛋糕,唔相佢失望呀!!   補你大,唔好變硬呀!!

2008年10月15日星期三

精彩的蜜汁脆鱔






呢個蜜汁脆鱔,我本人係第一次整,但係真係覺得係一個好精彩o既創作。

o係街市見到o個到有半條無頭鱔o係到"貢貢o下",咁新鮮,佢真係唔好彩喇。 即刻諗起屋企仲有枝上個月去燒烤用剩o既鰻魚汁,同家鄉自家釀靚蜂蜜,就一於試o下呢個配搭啦。


材料 - 大鱔下段半條
醃料 -  薑汁,胡椒粉,老抽,生抽,糖,紹興酒
汁料  - 日式鰻魚汁3湯匙,加一糖匙蜜糖調味 (可按自己口味調較)

-叫老闆幫我起骨返屋企洗淨抹乾切粗件

-用醃醃兩小時 (有時間可醃耐D)

-然後慢火煎至熟透,金黃,(有小小焦都唔怕),便可離鑊  
 
 -易潔鑊(落小許油)下匙鰻魚汁,預先加蜜糖調味燒熱(細火)
(汁料視乎鰻魚多少)

-鱔回鑊兜至上汁便成 (不必太多汁,請看圖參考)。 



貼士: 煎鱔不可心急,要熟透,除魚皮收縮不能貼鑊煎,其他每一面也要煎至金    黃。
          鱔煎唔熟會有酸酸地味架,翻煮又唔好食,所以要留意呀!!

芝麻小戚風





遠離左d感冒藥,即刻覺得自己充滿力量,整極都唔會手軟,老公呢頭洗完碗,我就俚過入去整蛋糕,仲有小小芝麻粉,就整埋佢啦。

一共9個,今次無咁皺紋啦。 老公即刻食左個,好鬆軟呀!!  聽日啊B又有早餐食啦。

乾扁四季豆




感冒初瘉,幾日無啖好食,今日完全康復,誓要煮一餐色,香,味全的小菜"tum"返自己,仲有食左兩日外買o既啊B. 

但係都唔想食咁多肉,先黎兩味顏色鮮艷的菜同蛋先:

呢個係乾扁四季豆:

d豆先出水用冷水仲,就可以保持翠綠同爽口;用左好小油煮架,一d都唔肥膩。

2008年10月7日星期二

亂拍青瓜


 

琴日同老公去左公司樓下o既京華飯莊(即係北京樓)食晏,因為好掛住o個度o既茉莉茶薰素鵝,真係好好味架。一坐低,侍應就端想一碟前菜 ,係涼拌青瓜拼素肉粒,d青瓜好好味,不過得幾粒,我同老公都唔夠喉,今日一於整一大碟,襯今晚去阿媽度做節大家食返夠本先。
青瓜處理方法跟蘇絲黃o既方法,切小條,拍扁,再去掉中間籽報份,再用小許鹽醃至出水(我醃左20分鐘),索乾水份 就可調味。

調味方面,半來想跟佢只用鎮江醋加糖同麻油,但係試味時覺得唔係好o岩我口味,我就用返涼拌茄子的醬汁,另外加埋鎮江醋整,當然仲有我至愛的芫茜啦。
有樣野好怪,我老公一向最討厭芫茜的味度,但係放落涼拌xx上面,佢就無問題,都唔知點解


家人食後評語:
係好入味架,不過家人唔係好鐘意鎮江醋味,因為較濃味,我絕對同意,所以先將D汁左溝右溝,只落左好少鎮江醋,都好搶味,下次會用返茄子個汁。

2008年9月17日星期三

香蕉戚風小杯

琴日過媽咪道食飯,見都佢有兩條起晒梅花點o既香蕉,諗起屋企雪櫃有無個檸檬,就拎左返屋企,整香蕉戚風小杯。 一個6吋份量,可以整到9個兩吋半的蛋糕仔,我同阿B可以做早餐,剩翻od,今朝就比媽咪拎去同阿爸食。


2008年9月13日星期六

樽裝綠茶布丁




見到有d網友用左個好靚o既樽仔黎整甜品,無意中發現原來係日本公司有得賣o既北海道牛奶布丁o既樽,不過好貴,$20一枝,我諗有$10係個樽o既價值,但值得一讚,個牛奶布丁的確係好香滑,好好味,所以都值o既。

我自己買左一枝食,跟住返到公司見有同事食緊,就叫佢唔好掉個樽,留比我。經過兩星期,一共儲到7枝啦,唔駛講,今日就要即用。  哈,咁""岩載到500ml份量o既綠茶布丁,簡直係 Perfect!!!!!   要黎請我部門d同事食(連埋我o岩o岩7個人),佢地猛話個樽靚。  講真,真係好靚架,仲可以整其他布丁/甜品添。

好開心,以後又多幾個好拍檔喇。

2008年9月7日星期日

極品藍莓芝士蛋糕




上次試cheese bar 新模時用剩左dsour cream, 今日到期,唔想浪費,就再整多次藍莓芝士餅,襯今日有友到訪,就用黎招呼佢地,一舉兩得。

今次個餅切得好靚,你睇幾多藍莓係裡面..... 仲好creamy 添。