2012年11月30日星期五

Anniversary Dinner @ Liberty Private Works

呢間餐廳出名好味,所以想同老公去食飯慶祝我地20週年 ,但係佢只接受30日內oonline booking.  我上個月頭上網Book, 以為weekday容易d book到,但是已經係on waiting list.  之後我book定花盃諗住食日本菜,係係三點幾餐廳打比我,話有人cancel booking, 問我有無興趣,我地即刻話OK
因為我同事講成餐飯要食3個鐘,所以我地book7:30 (另一round 時間係8:30) 結果係食左3個半鐘。  不過可能我鐘意煮野食,一路食一路睇 d廚師擺盤,又唔覺食左咁耐嚕。 但係可能老公無乜興趣,加上o個度d凳好淺,老公話坐到腰骨有d痛。 真係辛苦佢。
總結呢餐,視覺享受比味覺優勝,因為佢個個菜式都靚得有如藝術品,雖然當中只有兔肉同魚味道麻麻,其他都唔錯,但係又唔係話真係好好味(只有甜品最精彩)。 我諗去一次就夠了。

大家睇下係咪樣樣都好靚呢。



























20週年 - @Sala Phuket







  
今年係我地結婚20週年, 一早決定試下撇甩Owen兩公婆去慶祝下。  本來我地o既Anniversary 係o係11月29日,早左個幾月慶祝係因為11月o既酒店價錢同10月差成1000蚊一晚,老公從來唔係浪漫o既人,佢話如果儸到假不如早d去,慳返o個3000蚊比我買禮物喎。  我當然贊成啦。 

我地舊年都去果布吉,不過係同仔仔
(老公同我拍拖o個時o係楂電單車架,好多年無坐過,好爽呀)

今次揀左Sala Phuket o既 Pool Villa,   呢間酒店近好大,好靚,Staff 服務又貼心,但係近機場,離Patong好遠,要over 1個鐘車程,喜歡o係酒店hea o既人就一定喜歡,如果鐘意熱鬧行街街o既人就麻麻,因為車程長,車費又好貴,兩個人來回要Bhat 1,400 = HK$375)

呢次行程好開心呀,而家仲回味緊呀。  我揀左d相同大家分享下。


Sala Phuket - 環境超正,之前email佢地訂左枝酒同老公預祝Anniversay,佢地好貼心,送左呢個flower arrangement 比我地。  超靚呀。

一齊,同呢次感覺一d都唔,今次真係二人世界,我地仲租左架電單車楂,會味係拍拖o既日子。





呢種房係設計比couple入住, 浴缸同洗手間都係無門o既 (最多只可以拉布廉),我都唔係幾慣,所以如果有小朋友就唔o岩啦。

每晚外出返酒店,hotel staff已經幫我地開定燈,仲點定香熏同放定花茶比我地享用,晚晚都唔同味架,多貼心呀!!開左燈o既泳池好靚呀。



 呢日同老公玩" 天若有情" hehe,   租車連油錢全日小時都係100 蚊港幣,不過我地淨係渣左一專來回Laguna area (即係Banyan Tree 附近),不過一程都要差唔多45分鐘。  回程夜左週圍d車開得好快,有d危險,所以玩左一日,之後都係包車算了。 



 
Laguna Area - Lotus Restaurant  - 日落晚餐,景靚食物正,值得推介o既餐 (我每次去布吉都會去)。
 



2012年11月29日星期四

Happy 20th Anniversary






今日係我同老公結婚20週年,別人常說,結婚頭幾年會係甜蜜期,之後就會由愛情變成感情,但係好慶幸,到現時為止,我地仍然深深愛著對方。  老公,多謝你呢咁多年對我o既痛愛和無微不至的照顧,令我過左自由,自主,同時又備受呵護,驕縱的20年幸福婚姻生活。   

雖然婚戒舊了,手亦皺了,但希望我地一直緊握對方,相愛相扶到老,老公,Thank you &  love you!

2012年11月28日星期三

完美的燶邊叉燒

 


上星期宴老公一班舊同事黎我度飯聚,當晚整左9味菜式,呢味係佢地個個最讚不絕口o既一味,仲一陣間就掃清光。  呢次係我做咁多次自家叉燒最滿意o既一次,因為唔係次次買到好似今次呢幾件肥瘦相間o既靚靚梅頭肉,仲有呢次夠晒"燶邊" ,真係好有店舖出品feel。
加上一出爐即切即食,難怪客人話


下次再黎都要encore呢味呀。

呢個食譜係小女子自創,醬料比一般坊間食譜簡單,只要小心睇火同掃夠醬料,你都一樣可以整到完美o既自家叉燒。




 食譜:
半肥瘦梅頭,回家切成叉燒條狀 (肥d唔緊要,太瘦會鞋)
調味: 生抽 + 糖 / 梅瑰露 / 叉燒醬

掃料:蜜芽糖+水 (分量為1:1,坐水攪勻成漿,會易掃d)

1) 豬肉洗淨,抹乾,用老抽1茶匙+生抽1 1/2茶匙+糖3茶匙+梅瑰露酒1湯匙醃1小時 (醃料要較甜,生抽不用太多,否則會太鹹)
    *目的係令肉有底味同酒香,唔會淡貿貿
2) 加入叉燒醬醃兩小時(用手揉勻)
3) 焗爐預熱230度,把肉放進焗10分鐘,取出,掃叉燒醬(要均勻),再焗5分鐘,再掃一次醬,再焗5分鐘

4) 取出,將叉燒轉放再焗架上,下面放盤 (盛肉汁),掃上一朕蜜芽糖水,再入爐焗至焦香便可上碟。
   *用蜜芽糖水會濃d同靚d,同用蜜糖係兩回事
   *個別爐溫同叉燒厚薄都會影響焗o既時間,最緊要睇火呀。

2012年11月23日星期五

水煮溏心蛋煙肉鬆餅










琴朝七點醒左瞓吾返,唯有煮個靚早餐比自己 - 水煮溏心蛋煙肉鬆餅,給自己一個good morning~

平時只會用煎pan煎香鬆餅,或者焗件多士,再茶d Jam,加杯奶, 就係我每日o既簡單早餐, 琴日就唔同,見雪櫃有煙肉同蛋,就對自己好d,反正時間多的是。
 
我都係第一次咁整,平時返工咁趕亦無時間咁做,一次突然o既失眠,換到一個咁好o既早餐,賺了。 (不過比我再揀都係揀一覺""到鬧鐘響啦)


2012年11月19日星期一

老友聚舊宴

自從Owen出世後,我同老公就經常留o係屋企倍佢,每個星 期五大家先可以出去玩一晚。 通常o個晚我同佢都會去打牌輕鬆下,呢個模式o既生活過左好多年,有好多朋友都只係有傾電話,但係就好少見面。 而家 Owen大喇,就黎17歲,唔駛我地理,亦可能個人年紀開始大,係時候多d見朋友,搵返自己o既生活,所以呢排開始約返d朋友聚舊。

琴日老公招呼一班老友黎屋企食飯,我煮左幾個家常小菜同三樣甜品比佢地 (木糠布丁,焦糖燉蛋同心太軟),雖然忙左成日,但係好開心呀。

佢地第一次食homemade心太軟同出爐叉燒,大讚好好味呀。


15人的晚餐






 焦糖布丁同心太軟都係半完成咋




黎唔切影完成品,d心太軟已經無晒喇。 好流心,超受歡迎。


2012年11月15日星期四

露荀雞卷



星期一又係得我同Owen食飯,通常我都會整碟頭,簡單快手。 我食午飯去左吉之島諗住買兩件漢寶扒配意粉,點知無得賣,去到凍肉櫃見到雞扒好靚,就買左兩件,整我之前好想整o既雞卷。  我之前o係出面食午餐食過,不過係卷菠菜做餡,Owen唔鐘意食,我買左大露荀,我諗用佢會易捲d,用埋冰廂裡面d火腿,就成為我自家版本o既雞卷喇。
其實煮野唔係千篇一律,就地取材,只要做出黎o岩自己口味就得喇。 
呢個雞卷好睇又好味,但係一d都唔難,啖啖肉,係另類o既老少平安。

   材料(一人份量)

     1)    雞扒一件,去皮,兩面灑上幼鹽抹勻備用 (至小醃20分鐘)
     2)   雞扒放微波爐保鮮紙上,舖上一片火腿,再放上露荀段(事先拖水至半熟),

     3) 卷實成香腸狀,將保鮮紙兩邊卷實,再封錫紙。

  4)   將雞扒放水中煮10分鐘 (時間按雞扒大小調節)

     5) 離火攤10分鐘待定型後撕去錫紙和保鮮紙,吸乾雞肉上的水份
    
      6)   用平底鑊燒熱油,煎的時候可灑上鹽吸黑椒, 煎香雞卷表面便可切開上碟。

隨意配任何口味的意粉/飯,風味一流呀,Owen大讚呢個晚餐無得頂呀。





2012年11月14日星期三

香蕉 Cup Cake

 





前晚見屋企有兩條香蕉剩底,再放怕會浪費左,要黎整蛋糕就o岩晒喇。以前跟過好幾個香蕉蛋糕食譜,做出黎o既蛋糕唔係太乾,就係實的的,有d似牛油蛋糕,今次跟Shirley o既超鬆軟香蕉蛋糕食譜,做出我覺得最滿意同最好味o既香蕉蛋糕, (我只係減左10g糖), 呢個份量可以做82.5ocupcake(只係焗左約25分鐘),如果做磅蛋糕就要跟足食譜o既時間喇。

食譜來源: Shirley @原味生活

材料:       100g 無鹽牛油
                90g 砂糖
                2隻雞蛋
                120g 低筋麵粉
               1/2茶匙梳打粉 Bicarbonate of Soda
                1/4茶匙發粉 Baking Powder
                200g 香蕉泥  
烹調步驟:
(1)    牛油, 雞蛋置室溫約2小時至完全退冰, 用手指可輕易壓下即可
(2)    低筋麵粉和發粉過篩備用
(3)    預熱焗爐180oC
(4)    香蕉用叉壓爛
(5)    牛油加砂糖用電動攪拌器打勻至奶白色軟滑忌廉狀 (5分鐘)
(6)    逐隻雞蛋加入, 每次要完全拌勻才加另一隻
(7)    加入已篩好的麵粉和發粉
(8)    加入香蕉泥拌勻
(9)     倒入已鋪好焗爐紙的焗盆中, 180oC焗約50-60分鐘至金黃色, 用牙籤插入蛋糕中央, 取出時牙籤乾淨, 不會黏上麵糊便可
     **Cup cakes - 入杯, 180oC焗約25分鐘至金黃色, 用牙籤插入蛋糕中央, 取出時牙籤乾淨, 不會黏上麵糊便可
      
(10)放上鐵架待涼






2012年11月2日星期五

Chocolate Brownies ( with Shirley's recipe)




呢個甜品o既受歡迎程度同New York Cheese cake, 每次整親呢個返公司,同事們都好開心。 我每次都係係用Shirley 的recipe,我只係減左d糖同埋加左杏仁碎, 做出黎好moist, 好濃朱古力味,煙煙韌韌o既口感配香脆杏仁好得人鐘意。 老公最鐘意用佢黎配白酒一齊食,佢話呢兩樣好配喎。

Owen食完仲話要Order定兩盤,佢學校聖誕Party要帶返學校請同學食喎,佢話佢d同學舊年食過,今年要encore喎。 


好多謝shirley無私分享呢個perfect食譜。





朱古力布朗尼 (Chocolate Fudge Brownies)




材料(10.5” x 7.5” 焗盤 / 12件)
:
125 g牛油
4 oz (120g) 純黑朱古力 (無糖)
4 oz (120g) 朱古力 (有糖)
1 1/4 砂糖
3/4茶匙 幼鹽
3 大蛋
3/4 中筋麵 (All-purpose flour)
20 g 可可粉 (無糖)

做法:
(1)    將牛油, 純黑朱古力, 朱古力隔水座溶
(2)    加入砂糖, 幼鹽拌勻
(3)    加入全蛋拌勻
(4)    中筋麵粉, 可可粉先過篩, 輕手拌入朱古力中至攪拌均勻
(5)    放入已預熱180oC的焗爐內焗約25分鐘

小貼士:
(1)    純黑朱古力較香, 所以選用一半純黑朱古力, 一半有糖朱古力, 取其香味而又可減少砂糖的份量; 如果只用有糖的朱古力, 只須將食譜中砂糖的份量減少至只用1/4杯, 不能完全不加, 否則不夠甜, 而且也做不到略帶煙韌的質感.
(2)    加入中筋麵粉後拌勻便可, 過份攪拌會令到麵粉起筋, 質地會不同
(3)    因每個焗爐的熱力會有所不同, 故此焗的時間可能會有偏差; 要知道是否焗好, 可以用牙籤插入中間, 牙籤上有少少濕潤便可以, 若完全乾淨便焗乾了
(4)    焗好後要完全涼透才可用刀切件, 否則易爛