2014年10月28日星期二

白酒忌廉煮青口




  

呢個西菜材料簡單又容易整,  係一咩很好嘅PARTY食物, 你的客人一定鐘意呀。 


 材料 (四人份):

急凍青口一包(一磅裝)
蒜蓉2茶匙
洋蔥/彩椒隨意 切條
白酒150g
雞粉1/2茶匙
黑椒小許
淡忌廉2湯匙

(上圖係3倍份量)

1)  慢火燒熱少許油,下洋蔥粒炒一會,下蒜蓉, 炒至洋蔥半透明(緊記慢火,不要炒焦)
 2)下白酒,煮至酒精蒸發(約滾一分鐘)

 3) 加入青口煮至開口, 下黑焦粒/彩椒粒

4) 關火,加入淡忌廉價攪勻便完成

*tips:  全程慢火,𣎴能煮太耐, 青囗開囗不久便要關火下忌廉,否則過熟便影響賣相和口感。

2014年10月27日星期一

愛心飯盒

 


老公話最近公司CANTEEN轉咗廚,啲食物超難食,所以呢個幾星期都盡量煮飯比佢帶返去食。 盡量日日唔同款,每次都整兩份,多菜無味精,一人一份齊齊嘆。
佢好滿意,仲話D同事超羨慕佢喎,  咁識氹我,想縮沙都唔得添。

呢度係上星期嘅, 今個星期買左迷你飯煲,唔駛用微波仲健康,遲D同你地分享呀。

2014年10月19日星期日

臘腸蒸雞


天氣開始涼,老公立即想食呢味餸,一於整大碟D,留返D比佢聽日帶飯,連食两餐夠皮吧!

食譜:

材料(6人份量):

雞半隻,全翼4隻斬件
臘腸2條

醃料:
(a) 鹽3/4茶匙
(b) 生抽2湯匙, 糖2茶匙,生粉1茶匙,油1/2湯匙醃最少30分鐘

做法:
1) 雞件洗淨,抹乾水份, 用3/4茶匙鹽(a)醃20分鐘,再下醃料 (b) 醃最少30分鐘
2)臘腸洗淨切斜片, 連雞一同蒸20分鐘 
3)蒸好後離火,試汁味,如果唔夠味,加適量生抽和糖調至合適口味。

**因為臘腸同雞都會出油,我會將汁倒起,撇去一點油,再試味,如果唔夠味,加生抽和糖調至合適口味 (如不介意此步可免)。







2014年10月16日星期四

美味薑蔥炒蟹(食譜)


材料: 蟹4隻,薑4大片,蔥隨意,肇興酒一湯匙


調味:蠔油1.5湯匙,生抽1湯匙,糖2.5茶匙,水2 湯 (唔同牌子醬料鹹度不一,自己試下味啦)



1) 蟹洗淨切件,瀝乾水份,撲上生粉以半煎炸兜炒至熟,起鑊,瀝乾多餘油份
2) 燒熱兩湯匙油,下薑爆至聞到薑香味,下蟹兜炒一會,下肇慶酒,兜炒
3) 下芡汁兜勻,下蔥,蓋上鑊蓋,焗一,兩分鐘,試味,便可上碟。

**如當日好多餸煮,可預早進行(1),臨食飯再進行其餘步驟。


2014年10月8日星期三

芝士煙肉焗蠔


呢個亦係牛扒餐另一個SIDE DISH, 一樣簡單,好味,今次買到半殼蠔,幾蚊一隻, 要求不能太高, 但topping的芝士和洋蔥煙肉,真系超好味!


蠔12隻 (我用急凍半殼蠔)
洋蔥1個切粒
煙肉4條切粒(去肥邊)
芝士適量

1) 蠔解凍洗淨用廚紙索乾水份

2) 易潔鑊下小許油,爆洋蔥至半透明,下煙肉炒一會,下丁點鹽兜勻,上碟備用

3) 將適量洋蔥煙肉粒放在蠔肉上,放上芝士碎

4) 放入預熱至220度的焗爐焗約10分至芝士微焦便完成。

(焗的時間按蠔肉大小調節)




2014年10月6日星期一

鮮奶蛋白燉椰皇

 


秋天到天氣開始乾燥,見超市有椰皇前晚做左呢個甜品同鄰居分享,分甘同味,大家一齊潤一潤。


材料:
小椰皇3個
蛋白5個(約300ml)/奶70ml/椰皇水260/幼砂糖4茶匙(或隨意)
1)奶加糖加椰皇水混合加入蛋白中充份攪勻
2)用小匙除去蛋液上氣泡
3)蛋液過篩,倒入椰皇中,蓋上錫紙入蒸爐 100度隔水蒸40分鐘至蛋液凝固便完成及襯熱食用(明火則用中火)

**份量及蒸的時間按椰皇大小調節**開殻法:肥丁的開椰皇youtvideo呀,原來吾係好難咋, 不過用刀要小心D.






2014年10月3日星期五

焗羊架



前幾日佔中開始,在FB每天看到很多謾罵,當中更有朋友互相unfriend, 很是心痛,好吾開心,連煮都無心機。
其實每人都有自己對事件的想法和立場  香港係多元社會, 我哋應該容納同自己吾同想法的朋友發聲 (等同別人正在容納你一樣). 亦可以讓自己多看事件的两面,有助更清楚判斷事情的正反面。希望大家化戾氣為祥和。  
經過幾日沉殿, 我覺得是時候收拾心情,好好照顧家人。

好喇, 抒發完講返煮食,講返煮食,琴日老公夜班,做了簡單的羊架配焗薯同仔仔撑枱腳, 大食仔仔話下次要double 份量先夠喎!

羊扒處理:

1)完全解凍,不用封直接放入雪櫃普通格數小時(可令肉更乾身), 煎前一小時取出,用幼鹽,黑椒醃好。

2)易潔鑊下油燒熱,大火煎封羊的4面,然後放入預熱220度焗爐焗15分鐘 (6-7 成熟), 我件扒很厚.

3)取出放碟上整止5-10分鐘讓羊扒會收肉汁才食用

(焗的時間視乎羊架厚薄, 按自己喜好的熟度調節)