2017年9月29日星期五

粟米芝心脆薯球



Demo Video




從前我對食油無特別要求, 但隨著年齡增長, 開始注重健康;  會選擇令家人食得健康又放心的食油。   我喜歡Mazola萬歲粟米油天然、無膽固醇、無添加劑及防腐劑;  豐富的多元不飽和脂肪酸及維他命E,對血壓控制及抗衰老等有幫助。  
今次為大家推介呢個 "粟米芝心脆薯球", 呢個不失敗食譜, 適合新手下廚, 或親子合作, 美味簡單。 用萬歲粟米油炸至金黃香脆, 香滑薯蓉包住香甜粟米粒同流心芝士, 多重口感;  "味"力無可抗拒!



材料(約12個分量):
薯肉300g
粟米粒4湯匙
洋蔥碎2湯匙
鹽1/3茶匙
糖1/3茶匙
Mozzarella  芝士2-3片

炸料:
萬歲粟米油適量
麵粉、蛋液及粗粒麵包糠適量

1) 薯仔切粗粒, 蒸15分鐘至熟透軟淋

2)  洋蔥切碎成蓉狀






3)  芝士片卷起,略為按壓, 切成小粒








4)  取出薯粒倒去水份;  襯熱用叉將薯肉壓碎










5) 加入糖/鹽/洋蔥碎及粟米粒撈勻








6) 用匙羹盛適量薯蓉在手中壓平,  包入芝士粒, 裹成球狀








7) 將薯球按次序沾上麵粉;








蛋液及








麵包糠








8) 放進雪櫃冷藏15分鐘定形








9) 用小煲燒熱適量萬歲粟米油








10)小心放進薯球中慢火炸至金黃香脆便完成









2017年9月18日星期一

德國寶開心廚房的中秋月餅班


多謝德國寶 @德國寶開心廚房 邀請我同Owenbaba一齊出席在樂廚體驗館舉行的中秋月餅班。   今次係用德國寶光波爐嚟焗曲奇皮奶黃月餅;  從未用過光波爐的我覺得係一個好好的體驗, 佢不需預熱, 而且火力足有容易清洗, 操作超簡易, 只要較好時間;溫度同開動三個按鈕就輕鬆開始操作; 非常方便。

今日課堂由安師父教授, 佢示範清晰加上食譜簡單, 我地實習時毫無問題, 我同老公2人一組; 連從未正式下過廚的Owenbaba都可以成功做到皮薄餡靚的月餅, 安師父仲話用光波爐做月餅比用焗爐容易控制火路, 較易成功㗎。

我一向以為做月餅工序多, 原來有好爐具的幫助就不困難;我哋兩個月餅初哥都一剔過合格; 以後的中秋, 我的親友應該會收到我哋親手製作的奶黃月餅了。

等我同大家分享下課堂情況:

穿好圍裙, 奶黃月餅class get, set, go!

























德國寶樂廚體驗館面積很大, 用具齊全, 如果我將來都可以喺度開Owenmama的烹飪班就好喇。
今次我同老公就係用呢個德國寶光波爐做迷你奶黃月餅喇。   佢不用預熱, 火力足同操作簡易, 連我呢個電器白痴都無問題。





















德國寶樂廚體驗館工作人員為我哋準備好用具和食材, 讓我哋可以輕鬆上課。
















呢個就係安師父, 佢正在為我地示範做奶黃餡的步驟。
















到我哋實習喇,  原來只要跟住示範做, 就可以一剔合格 (當然仍有進步空間, 但初做感覺良好呀)


將月餅放在網架上, 再放入德國寶光波爐, 較好時間;溫度同開動三個按鈕就輕鬆開始焗製; 無幾耐熱辣辣的迷你奶黃月餅就完成了。 

我哋當然襯熱試食, 佢餅皮酥脆, 奶黃香甜, 真的好味。   

今日除咗可以帶我哋自製的奶黃月餅, 德國寶開心廚房仲送咗個禮物包比我哋, 內附環保袋, "節慶心意手作食譜"同月餅模, 真係滿載而歸。    好多謝主辦單位送我呢個咁寶貴的光波爐經驗。 



後記:

課堂開始前, 德國寶的高層帶我哋遊覽showroom, 原來除咗廚房內的烹飪用家電, 佢哋仲會幫客人tailor made廚櫃同廚房設計, 啲示範corner超靚,個個都係我dream kitchen;  睇到我心癢癢。  唔講你未必知, 佢哋甚至連衣櫃都做得好靚㗎。







































#德國寶開心廚房
#HappyKitchen 
#光波爐整月餅無得輸
#唔洗預熱好方便
#三重加熱受熱均勻







2017年9月14日星期四

香料沙爹雞串


我和家人最愛食雞腿肉, 佢低脂(去皮後)又容易處理, 就算煮得過熟也無損口感, 最啱入廚新手。  今次我用數種KOS香料(KOS甜紅椒粉; 黃薑粉; 小茴籽粉; 印度咖哩粉)加其他調味料做了仔仔最愛的沙爹雞串, 香料混合後令雞肉金黃惹味, 配花生沾醬, 佢大讚話有餐廳水準, 咁口乖, 下次一於做多幾串獎佢。 
@KOS 甄想記(明記)椰子香料有限公司




食譜:

去皮雞腿肉300克

醃料:

KOS甜紅椒粉1/4茶匙
KOS黃薑粉1/4茶匙
KOS小茴籽粉1/4茶匙
KOS印度咖哩粉1/3茶匙
魚露2茶匙
砂糖1茶匙
蒜蓉2茶匙

沾醬:
花生醬2湯匙
生抽3/4湯匙
砂糖1湯匙
醋3/4湯匙
水3湯匙
(甜味可按口味調較)


1) 雞髀肉切成方塊; 用醃料最少醃30分鐘

2) 調沾醬備用

3) 竹籤用水浸10分鐘(有助避免焗時太快乾燥)

4) 將雞肉用竹籤串起, 用少許油煎封雞肉表面

5) 將雞串放在架上

6) 用錫紙將竹籤封好及掃上適量油

7) 放入預熱220的焗爐焗12分鐘至微焦

8) 完成, 以沾醬伴食。

2017年9月11日星期一

紅莓麥包(食譜)

從前確得做包包很浪費時間, 但老公食過朋友做的紅莓包後讚不絕口。   上星期日車完仔仔返工後閒來無事, 就試吓做嚟kill time。  多年未做過雖不是完美完成, 但剛出爐賣相同味都都不賴;     口感外脆內軟, 老公同試食的朋友仔都話好好味, 唔駛30秒就KO咗一整個;  令我這個包包初哥立時信心大增!    琴日再做咗用嚟配意粉,搽牛油更美味啊。

後記:     今次用朋友送的麵包機搓粉, 但打咗可耐都起唔都薄膜, 所以用手加工搓至起膜。   係時後upgrade吓啲工具喇。





紅莓麥包 2個份量)

材料:
高筋麵粉              225g
全麥麵粉              25g
                         1湯匙
                         0.5茶匙
乾酵母         1.5茶匙
蛋液                      25ml
牛油                     20g
                         150ml
紅莓乾                 60g


1)  所有材料(除牛油外)放進麵包機攪拌成麵糰








2)  加入室溫放軟的牛油繼續攪拌攪成光滑/不黏手麵團








3)  繼續搓揉至起薄膜







4) 加入紅莓乾搓揉混合








5) 麵團放在掃油的鋼盤內, 用保鮮紙蓋好再放入蒸爐40度發酵45分鐘至倍大(也可放在室溫或未開的焗爐內發酵, 但時間要視乎氣溫)





6) 用手指刺進不回彈便成。







7) 取出搓出麵糰內的死氣,平均分割成候份,滾圓後讓麵團鬆弛約5分鐘。



 




8)  把麵團搓成橢圓形麵團,放到舖上牛油紙式烤盤上,再用蒸爐40度發酵約45分鐘麵倍大






9) 在麵團上灑上適量高筋粉,再用刀平均界數下



 




10) 放入預熱160度。焗爐焗約20鐘便可取出, 立即襯熱食用。



2017年9月7日星期四

焗鹹豬手



清理冰箱時見尚有一隻鹹豬手, 襯家人到訪就做個焗豬手比佢哋試吓。    其實做法很簡單, 只要早一天準備, 就有一味大睇又美味的菜式。



鹹豬手1隻
薑數片
紹酒1湯匙
海鹽小許

鹹豬手解凍, 準備另一鍋水, 加入薑片和紹酒, 放進豬手最慢火煮1小時15分鐘







用水沖豬手至冷卻, 瀝乾,









用叉再皮上刺上密集小孔; 越密越好







 
放雪櫃過夜風乾(豬皮不用蓋保鮮紙)








焗前1小時取出豬手, 再次刺上小孔, 及灑上小許海鹽
放在舖上牛油紙的焗盤上






放進預熱250度的焗爐焗30分鐘或至爆皮便可出爐







出爐後便可切開享用。 

2017年9月5日星期二

香草茄汁雞扒蛋蓋飯


老公外帶午飯。 




香草茄汁雞扒蛋蓋飯


撐檯腳唔一定要食大餐,   做個精緻美味嘅雞扒蛋蓋飯, 配上用KOS混合香草做的茄蓉汁, 立時充滿日/意fusion風味, 你嘅另一半一定滿意。  
我的版本是將蛋包飯改一下,  蛋皮變成蓋被子般 (所以名為"蛋蓋飯"), 碟邊露出的被子邊令飯的賣相更亮麗可愛。


食譜: 2人份量: 



雞扒1250g(切成2小件)

醃料:

KOS黑胡椒碎適量  

生抽2茶匙

砂糖3/4茶匙

紹酒1茶匙





香草茄汁:

KOS混合香草1/4茶匙

茄蓉汁150

砂糖3/4湯匙

茄汁3湯匙

60ml

洋蔥碎1/3



 



1) 雞扒加醃料撈勻; 最少醃兩小時



2) 取出雞扒, 抹去多餘醃汁煎至熟透及微焦



3) 飯用碗盛起, 倒扣在碟上



4) 將兩隻蛋打散, 用易潔鑊煎成蛋皮, 用鑊鏟弄至蛋皮邊位與鑊分離



5) 把蛋倒扣在飯上面, 蛋蓋飯完成備用



6) 易潔鍋燒熱少許油, 下洋蔥碎炒至半透明



7) 下水, 茄汁,糖調味及試味



8) 最後下加入KOS混合香草,煮滾便完成


9) 把汁淋上蛋蓋飯, 放上雞扒, 最後灑上少許KOS歐芹碎裝飾便完成。