Owenmama任職白領； 同時兼任食譜書作者; 也是兼職烹飪班導師， 有豐富媒體烹飪示範拍攝及現場示範環節經驗。 我最愛用簡單烹調技巧製作出美味佳餚。 希望藉此提起更多人對入廚的興趣! 著作："餐廳菜式Make Easy" (2018) ; “我都識煮酒樓菜” (2017) 及 ”玫瑰鍋料理” (2015)
簡單都不行嘅食材同步驟做出美味沙薑雞腳。 同我哋一樣鍾意吮腳趾嘅就快D click食譜link喇！
呢個食譜有個趣事； 舊年有一日同同事去觀塘飲茶； 點心紙上嘅相片咁熟口面； 竟然係我幾年前post的另一張【沙薑雞腳】相！原來佢廣告供應商喺網上下載咗我張相直接用咗😡！ 雖然我好多謝佢欣賞我張相； 但也需要專重吓產權；inbox問聲是基本吧！之後我email去同佢講返； 佢哋就道歉同改相。 咁就算數啦😆!
-煮滾適量水下鹽焗雞粉膠勻，慢火煮5分鐘後用網隔去調味粉渣
仔仔好鍾意食快餐店焗豬扒飯； 趁放假做了自家多芝士版俾佢試吓！ 簡單步驟就做到似模似樣嘅快餐店味道啦！ 自己動手仲足料D、好味D！ 用含有豐富的多元不飽和脂肪酸及維他命E嘅萬歲粟米油製作就健康D喇!
食譜：
鮮茄芝士焗豬扒飯
食材(兩份)：
急凍梅頭豬扒
2件
白飯4碗
蛋2隻（打散）
洋蔥1/4個切片
番茄 1 個， 切成8件
菠蘿粒隨意
芝士隨意
蛋炒飯調味：
幼鹽 / 砂糖各1/4茶匙
豬扒醃料：
幼鹽 / 胡椒粉 / 生粉各小許
萬歲粟米油適量
醬汁料：
茄膏 120克
雞湯200ml
水100ml
茄汁 4湯匙
糖2湯匙
生抽1湯匙
淡忌廉 2湯匙
步驟：
(1) 豬扒解凍、抹乾後用肉鎚鎚鬆兩面, 再把邊沿的筋切斷（可防止豬扒在加熱時蜷縮）
(3) 最後在豬扒兩面均勻掃上一層薄薄的萬歲粟米油; 醃30分鐘
(4) 燒熱少許萬歲粟米油把白飯炒散；於鑊中央開一小洞，加少許油後將蛋液倒進； 蛋液開始結皮時快速與白飯兜炒; 最後下糖/鹽調味; 炒勻便完成; 將飯盛在焗盤內備用
(5) 燒熱1湯匙萬歲粟米油， 下豬扒中火煎兩面微微金黃及剛熟便可盛起； 切件放在炒飯上
(6) 燒熱小許萬歲粟米油; 下茄膏、洋蔥片及番茄件炒一會，下雞湯、水、茄汁、糖、生抽、菠蘿粒攪拌加熱煮至稍收汁； 下淡忌廉攪勻； 試味 (調至合自己的酸甜度)， 煮至濃稠便完成
(7) 把適量醬汁淋在豬扒上,
(8)灑上適量芝士
(9) 最後放入預熱至250度的焗爐焗約6-8分鐘至芝士溶化及微焦便可。
灣仔鴻興道水上運動和康樂主題區
朋友們選咗呢度為老公慶生； 第一次去到印象好好； 門外對住水上活動中心；面對維港， 黃昏同夜晚景觀都一流。 如果天氣唔大熱咗外小桌都幾好feel。
不過當日天氣熱； 我地選坐室內冷氣座。
估唔到食物質素唔錯；有驚喜！ 朋友訂咗件斧頭扒； ＄890 +10％； 侍應話夠7至8人用； 點知上檯時有成2K重；侍應話我地今日好彩； 件扒超大夠晒12人食； 自己買件2K扒都要6，7佰啦；仲未必有咁大個爐焗; 好抵又好食！
其他菜式味道、份量都對版； 價錢亦合理！ 下次天氣涼D會試下同老公去坐室外位！
5人點了9款食物加5份甜品； 但每人都係$260； 好食； 好味不錯又性價比高的中菜； 啱哂好似我哋一樣胃口不大但想式多款式既朋友仔！我覺得甜品中以腰果露最正，每次必點！
韓風泡菜海鮮鍋（食譜）🦐🦑🐚🍀🍄
Happy Birthday Owen！
今日係Owen仔生日； 今年佢同朋友仔去泡菜國慶生。
禮物一早送咗； 佢臨飛前準備咗佢最愛嘅菜式 （凍花蟹、蠔油雞翼）同靚湯簡單預。 隻為食仔一見到D蟹就雙眼發哂光； 完全遺傳咗我嘅為食細胞呀！
不過D蟹又真係正得緊要； 爆膏實肉超鮮甜； 難怪兩父子路食一路話正啦！
節瓜章魚豬骨雞腳湯
凍花蟹
蠔油雞翼
XO醬西蘭花苗
蝦仁蒸滑蛋
喺冰箱搵到半包急凍蝦仁, 除咗炒仲可以試吓我呢個做法; 簡易但超美味！。
將佢配蒸滑蛋同, 爽口彈牙大蝦仁同滑滑蒸水蛋非常夾 ； 再淋上豉油、熟油就變咗一味好好食嘅下飯菜式啦!
今次同大家分享令蝦仁露出蛋上令賣相更吸引嘅小技巧； 睇吓食譜就知點做到喇！
材料：
雞蛋四隻（約200ml）
清雞湯400克（也可用同樣份量的清水）
蔥花適量
急凍蝦仁八隻
幼鹽少許（醃蝦用）
豉油、熟油適量（甚至可免）
步驟：
1/ 蝦仁解凍， 抹乾後開背再用少許幼鹽都勻備用
2/ 雞蛋打散， 加入雞湯攪拌均勻; 過篩兩次倒進深碟中
3/ 留起150毫升蛋液備用
4/ 蓋上保鮮膜（或用錫紙也可）， 在上面似刺幾個小孔
