2007年12月30日星期日

是日精選 - 三式甜品





今晚係第二個聖誕party, (順便慶祝埋新年) 因為人唔多,大人加細路共9個人,所以唔駛整好多食物,就有時間做多d甜品。
是日一供有三款:
1) 士多卑梨布丁(果蓉+奶+糖+淡忌廉+魚膠水)
2) 綠茶布丁 (綠茶粉+奶+糖+淡忌廉+魚膠水)
3) 藍梅芝士餅
三樣甜品都係我第一次做,同埋無跟食譜,只係靠經驗同感覺去整,所以未試味都未知好唔好食,希望唔好失禮啦!

2007年12月17日星期一

提早做冬 - 茄汁蝦








老公下星期返下午間,唔可以食做冬飯,就提早係上星期六做冬,一家三口+埋康康食,三餸一湯,白飯任裝。   
一早起身就去左阿B學校拿成績表,然後就去筲萁灣買餸。 冬大過年,加上阿B今次報分試考得好好,一於食多d啦。
餐單: 雞煲翅 (d翅係中秋節發的,然後一份份放係冰格,變了即食翅)
              用老雞+金華火腿+瘦肉用菊花火煲2.5小時,,取出湯料,放入發好的   
               翅再煲一小時,臨食把雞脾拆肉絲再放入湯中煲20分鐘就掂晒。
                ********************************************************
      茄汁蝦碌 / 土魷肉餅 / 鮑魚菇扒西蘭花

**用金華火腿,個湯完全唔需要調味,一粒鹽都唔駛落都夠晒味。

2007年12月13日星期四

焦糖雞蛋布丁







呀!! 忘記左最緊要的一環 --  甜品 (焦糖雞蛋布丁)
今次係第一次整,整焦糖時第一次失敗左,太焦啦,黑蚊蚊 仲有苦味,於是再整一次先得。個蛋好好味,仲無焦糖燉蛋咁肥,因為我用左脫脂奶同水,無落忌廉,老公食左兩個,都話好正阿。
雖然脫模時不太完美,但總算合格褂?!?!

2007年12月1日星期六

士多卑梨芝士蛋糕





琴日係媽咪的生日,整左呢個士多卑梨芝士蛋糕比佢。 本來試想做個黑白間朱古力圍邊,清清地係上面唧d忌廉花,但係做出賴塊邊太薄,撕張包書膠的時候整爛左,要摑翻出黎,個蛋糕邊可似爛面咁,唯有整碎佢做圍邊啦,為左襯翻d圍邊,就用黑白色的朱古力做花,須然效果唔差,但同我原本的設計原全唔同曬。 

BBQ烤排骨



食譜改自肥媽私房菜,呢個BBQ骨,好似我係Shooter 52 通Ruby Tuesday 最鐘意食的Baby Back Rib.  星期三就即刻整黎食,佢用幾樣醬混合,但係我就只係用左柱候醬同茄汁加糖同梅瑰露醃(之前用檸檬汁醃10分鐘)。 肥媽話醃一個鐘就得,我就醃足三個鐘,需然都好好味,但係厚肉的地方都未算good,我提意大家之前一晚醃定就會更好味。
**因為落左差不多大半個檸檬汁,大加記得要落多小小糖中和個味道,都係個句,要試味喇
**佢用光波爐,我就用焗爐,最大火(250度) 焗了40分鐘。

2007年10月26日星期五

懶惰朱古力慕絲





應承左仔仔整甜品,又約左人食飯,但係就掛住睇 Hero,點知 睇下睇下,不知不覺睇坐三個鐘,仲有大半個鐘就要出門口接仔跟住去街食飯,于是就試左個懶惰方法黎整慕絲。 人急智生,我未試過都搏一搏啦:  (但係完來係好好味架

裝飾都係用owen的朱古力cereal早餐整,成件事有d求祈,不過仔仔收貨,ok啦。

材料:



1)朱古力奶一包 (250ml)  + 糖 一撮 (要試味) ,加入約12粒朱古力button,煮勻熱後離火攤15分鐘

2) 淡忌廉一包 (250ml) 打至7分起,加入輕力加入魚膠粉液 (8g,先隔水坐溶)攪勻,

3) 將(2)和(1)混合

3) 入杯,雪4-5小時便完成。


 
**後記,因為太過趕啦,除了一包包的材料,全都係求祈拿起就放進去,沒有
 時間量,記住試味。

2007年10月21日星期日

老豆大人生日 - 紐紋芝士











今日一家人同老豆慶祝71歲大壽,試做左呢個紐紋芝士凍餅,希望佢種意啦。老豆,祝你生日同日日都咁快樂,身體健康,長命百歲。 



2007年7月29日星期日

老公親手做的 Tiramisu







今日成班朋友同小女子預祝生日,老公就話要自己親手整一個蛋糕比我地食, 尋晚佢買好曬材料,就係度埋頭苦幹,仲話一定唔准我郁手,只可以出口喎。 由焗清蛋糕度裝飾都係親力親為,完來男人發起功上黎都好犀利架。   

P.S  多謝曬,老公!!