2011年12月24日星期六

平安夜自煮法國菜 - 好食又好玩:)





平安夜本計劃好一家三口去食壽司,跟住就去睇燈飾應下節,點知22號Owen先同我地講佢平安夜要出街,兩公婆想出去食法國菜有訂唔到位,於是嬲嬲地決定自己整餐冒牌法國菜食下。 23號放早去左吉之島買食材,碰o岩佢聖誕節大減價,買左鵝肝同安格斯牛柳條,煙三文同其他材料,至於波士頓龍蝦就係經過街市見到又平又靚臨時加o既。 

當日下晝set好張檯,老公出黎見到都話都有啲餐廳feel呀,仲話要開埋靚紅酒添。 呢次第一次做雙重角色,大廚同顧客都係我地,每食完一道菜就一齊入廚房準備下一道,原來又真係幾好玩喎,好過o係餐廳坐o係度等食呀(全因我係賤骨頭,哈)。 老公久經訓練,二廚角色做得好稱職,抵讚。   平安夜出去食閑閑地一人成千蚊,而家只係唔駛三份一價錢,  兩公婆就有得食又有得玩,呢個平安夜超正呀。

今次一共有六道菜, 全部都係以簡單煮法構思,希望菜與菜中間唔駛隔太長時間:


前菜 



 -煙三文魚魚子沙律











-法式香煎鵝肝 。肉桂蘋果粒

 -南瓜忌廉湯
 主菜

-蒸龍蝦。葡國忌廉汁  (諗唔到配乜汁,就地取材,葡汁加淡忌廉加少許水煮成,唔錯呀)
 -安格斯牛柳。牛油新薯。雜菜
 甜品



-Chocolate Brownies . Vanila Ice-cream
 

老公都要出手呀。

2011年12月11日星期日

羊腩煲 (附做法)


 天氣咁凍,最好莫過於食個暖身羊腩煲呀。 一大煲滾下滾下,就算唔食羊肉,剩係食配料(冬菇,冬筍,馬蹄,枝竹,生菜)同整個羊汁出前一丁都以經好滿足啦。

今次無我用開o既順發孖記炆羊醬賣,只好用其他牌子,但係真麻麻地, 之前用開o個隻剩係加水同少少生抽,冰糖就已經好好味,而且顏色淺好多,靚仔好多,但係而家買到呢隻就又深色,有得個鹹字(味道好似柱侯醬),於是我只用左少少,另外再加左d磨豉醬同蠔油,生抽同糖調味,先有返d以前o既感覺。

其實羊腩煲並唔難整,只係炆o既時間長d,雖然買料錢都唔平,自己炆比出面食o個d料靚好多,仲大煲好多,一大檯人都夠食呀。


做法:



1) bb羊腩2磅,洗淨,擎乾備用,  


2) 起鑊爆香薑,蒜,下羊腩爆至外面轉色。


 3)把羊腩移至深煲內(薑蒜棄掉),加水(剛蓋過才料),順發孖記炆羊醬(雜貨店有售,我用),冰糖1小粒,同時加入已浸泡的冬菇,馬蹄,冬筍)中科煲至滾起, 之後專細火炆45分鐘,熄火焗15分鐘,止後再重覆炆焗一次,檢查羊肉是否已夠軟,否則要再做炆焗工序,不過第三次之後每次炆15分鐘好了,否則怕會炆得過火。

4)炆好後作最後調味,就可以上檯,或隨喜轉至電鍋中,一邊食一涮枝竹,菜類同埋出前一叮, 100 個正呀!



2011年11月29日星期二

19th Anniversary - Steak House






琴晚o既晚餐係由Owenbaba 安排,佢一路都唔話我知o係邊度食,佢楂車去到Grand Hyatt 附近我先估到佢原來訂左 Grand Hyatt Steakhouse.  佢話知前聽到我話好想去食,但係呢到要預先幾個星期前先訂到位,佢就安排今晚o係呢度食。 即係話佢一早做定功課,仲有佢一句英文都唔識,但係呢負責接電話訂位係要用英文,訂位時一定好蝦碌。 

我問佢你識聽佢講咩,佢話琴日餐廳打比佢,佢淨係聽到佢話 "Confirm", six-thirty", 佢就話ok嚕。  我食完個自助頭盤同個羊架(主菜)已經齙到嘔,佢係都要我叫個甜品,原來佢叫餐廳安牌左個Anniversary牌,所以堅持要食甜品,我叫左Apple Crumble with Ice-cream, 好味道。   我真係好感動,有時佢就係有咁o既一鼓傻勁,真係令我哭笑不得架。

呢到o既自助頭盤要$210一位,雖然貴,但係食材樣樣都好靚,淨係食個風肝火腿,煙三文魚同Liver Pate都值回票價喇。  主菜方面,我揀左羊架($450) 老公就食牛柳10oz($560)件扒確實係好靚外面脆,裡面好似棉花咁軟淑,但係就唔慣只係加鹽同胡椒,好似寡左小小
。甜品Apple Crumble with Ice-Cream就好好味(($95),一熱一凍,唔太甜,好匹配呀。

要提一提,因為老公楂車,所以無飲酒,我地剩係叫左一枝普通Still Water,都要$90,同個蘋果批差唔多價錢呀!  我諗呢枝係我地飲過最高貴o既水呀,哈哈!!

最後:多謝老公為我安排o既一切,I love u!











Anniversary Dinner at Grand Hyatt Steakhouse






琴晚o既晚餐係由Owenbaba 安排,佢一路都唔話我知o係邊度食,佢楂車去到Grand Hyatt 附近我先估到佢原來訂左 Grand Hyatt Steakhouse.  佢話知前聽到我話好想去食,但係呢到要預先幾個星期前先訂到位,佢就安排今晚o係呢度食。 即係話佢一早做定功課,仲有佢一句英文都唔識,但係呢負責接電話訂位係要用英文,訂位時一定好蝦碌。 

我問佢你識聽佢講咩,佢話琴日餐廳 打比佢,佢淨係聽到佢話 "Confirm", six-thirty", 佢就話ok嚕。  我食完個自助頭盤同個羊架(主菜)已經齙到嘔,佢係都要我叫個甜品,原來佢叫餐廳安牌左個Anniversary牌,所以堅持要食甜 品,我叫左Apple Crumble with Ice-cream, 好味道。   我真係好感動,有時佢就係有咁o既一鼓傻勁,真係令我哭笑不得架。

呢到o既自助頭盤要$210一位,雖然貴,但係食材樣樣都好靚,淨係食 個風肝火腿,煙三文魚同Liver Pate都值回票價喇。  主菜方面,我揀左羊架($450) 老公就食牛柳10oz($560)件扒確實係好靚外面脆,裡面好似棉花咁軟淑,但係就唔慣只係加鹽同胡椒,好似寡左小小
。甜品Apple Crumble with Ice-Cream就好好味(($95),一熱一凍,唔太甜,好匹配呀。

要提一提,因為老公楂車,所以無飲酒,我地剩係叫左一枝普通Still Water,都要$90,同個蘋果批差唔多價錢呀!  我諗呢枝係我地飲過最高貴o既水呀,哈哈!!


最後:多謝老公為我安排o既一切,I love u!


 






2011年11月23日星期三

和風晚餐 + 日式蟹子沙律







我屋企劉下漁灣街街市最近開左一間摩登凍肉店,有齊和牛扒,蟹子,三文魚子,長腳蟹,同我全家最like o既加拿大海膽賣。上星期同佢訂左一pack 海膽,做多幾個日本菜式,就成為左一餐好美味o既日式和風晚餐喇。 


蟹子沙律無特別技巧,只要將溫室青瓜刨幼絲,日本蟹棒手撕成絲,唯一要點就係要用日式沙律醬(包裝上有BB公仔),日式百貨公司有售。
撈好再加上蟹子,咁就似模似樣啦。 
**撈好o既沙律唔好雪太耐,以防出水(最好將所有材料分開雪,臨食先撈)。


冷,熱盤共五道菜,三個人食,好飽,好好味呀。

前菜
-蟹子沙律

刺身
-加拿大海膽,配紫菜片 / 青瓜片

炸物

-南瓜天婦羅

燒物
-銀鱈西京燒

煮物
-吉野牛肉

2011年11月15日星期二

Tiramisu to my lovely mom





星期日一家人為媽媽提早慶生,為佢做左呢個小甜版Tiramisu, 一家人都好喜歡呀!

祝媽媽日日快樂,日日健康!!

食譜:
http://www.rthk.org.hk/elearning/dessert/cake_tiramisu.htm



買左士多啤梨裝飾,睇落好似單調左d,就立即用黑朱古力整色整水。




2011年11月12日星期六

仿美心栗子蛋糕



呢排愛上栗子,用黎炆雞,炆排骨都吾夠皮,今日整埋呢個A貨美心版,今晚有得嘆嚕:)

戚風蛋糕底,甜栗子溶加淡忌廉,裝飾用左甜忌廉。 呢個蛋糕造型好懷舊,我細個喺學校出面間西餅店見到嘅栗子蛋糕就喺呢個造型架啦,O個時屋企窮,唔會有生日蛋糕食,放學經過都會望幾眼先至行,好多謝美心出品呢個蛋糕,勾起我細個嘅好多回憶!
雖然呢個蛋糕其貌不揚,但係就好好味,仲唔算難做,大家都不防試吓呀:)

 睇下裡面都好有內涵架。



2011年10月31日星期一

Owenmama 的南瓜布丁 (食譜)



我從未食過南瓜布甸,每次去食泰菜,食完主菜到飽都上喉嚨,所以唔知正宗o既南瓜布甸係乜味。 琴日Owen又要溫書準備今日開始測驗週,所以我都係留o係屋企倍佢。 食完早餐去街市買菜,見到有一間菜檔有好多南瓜仔(平時唔見),可能係比d小朋友買黎開萬勝節Party, 好可愛呀。反正老公返中班,我一個o係屋企都係得個悶字,就買左兩個返屋企玩下。
呢個一定唔係正宗口味,因為我見出面餐牌d相,個布甸係黃黃地色,應該似燉蛋之類。  我最後整左個簡單o既自家版 - 

做法:南瓜處理:

小南瓜2個,直徑約4吋,刮去囊,蒸12分(時間按南瓜大小調節,至用長簽可以輕易刺過),攤凍備用

椰汁布丁:

椰漿200ml + 奶150g +糖20g(可按口味加減) 煮熱,   加入 魚膠片2片(先用冷水浸軟), 輕力攪動至魚膠完全溶化,稍為攤暖

-南瓜攤凍後用廚紙索去瓜內水份,把布丁漿倒入南瓜內,待布甸漿完全冷卻後方入雪櫃,雪約5小時便成。


因為預祈要做到切到一件件,所以個布典o既魚膠份量要較一般布甸重手,結果效果果然如預祈一樣。 椰汁布甸同蒸熟左o既南瓜好襯呀。

唔好睇佢細細個呀,一個可以切開8件,呢兩個小南瓜布甸分左比四家人分享,大家都好鐘意。








2011年10月24日星期一

魔鬼蛋糕 (朱古力戚風食譜)



 



測驗臨近,Owen星期日要全日溫書,我留o係屋企倍佢,佢忽然話好想食我整嘅朱古力蛋糕,我有得玩 佢有得食,好提議!(我諗其實佢想駛開我囉!!)
立即郁手整左個朱古力戚風蛋糕,但只因倍仔溫書太無聊,攪攪下變左整魔鬼蛋糕 ,仲自製埋脆脆,o係廚房on &ff攪左幾個鐘,Owen 奸計得逞! (我一行開佢就會拎住本書發夢)
食譜我都係o係網上搵,不過整得戚風多,我會就住以往經驗黎adjust材料份量。
食譜:
蛋糕 - 我係用左5蛋白(+60g),3蛋黃(+40g)70g(+2g泡打粉)20g可可紛(40g油攪勻),40g奶 (做法跟一般戚風相同) 
朱古力忌廉 270ml 甜忌廉打起8成,再加12粒朱古力(坐水溶,加入小許奶,令佢無咁杰),然後襯暖暖地,一面打,一面逐少將朱古力獎加入,打至結實,便成為朱古力忌廉。 

脆脆 - 係用脆脆片加隔水坐溶o既黑朱古力整o既。兩樣加埋好好味呀。
今次因為整多左朱古力忌廉,唔想朗費太多,第一次做
4-layer, 個蛋糕好高,cream多左,加埋d脆脆,口感好豐富!
















2011年10月1日星期六

國慶日一餃兩吃

 
 
我有好多年無包過餃子,因為屋企附近有一當賣生餃子o既檔攤,一蚊一隻,都好足料,味到唔錯,所以懶得就懶。 
每次Owen叫我整,我都話呀仔,去買啦,平,靚,正。 

國慶假日閒來無事, Owen又再叫我包餃子,好啦,叫左咁多次,今次就滿足下佢啦。
每次我都會包好多隻,一餃兩食,一半放湯,另一半就用黎做喎貼。

今次整椰菜豬豬肉 (可用其他菜代替)

醃料:生抽,糖,鹽,薑汁,豆粉

1)椰菜先拖水,隔水攤涼,扭乾水份,切碎備用
2)豬肉加醃料攪勻,韃數下,加椰菜粒攪勻。
3)包成餃子+窩貼。

**(通常我會先包一隻作試味用,試完再作最後調味,咁就實無失拖啦)