特濃朱古力香蕉蛋糕（附圖解食譜）

想與我交流研究／分享烹飪經驗，請按>>>  Facebook: Owenmama

上次同哥哥慶生， 因時間不足選咗做呢個簡單嘅蛋糕， 只係加咗軟心朱古力曾同香蕉， 估唔到成家人讚不絕口， 佢地你一句，我一句， 攪到連不好甜的我亦忍唔口切咗件嚟試， 結果。罕有地成件食哂啊！

呢個朱古力蛋糕的蛋糕抵做法非常簡單， 只需用手動打蛋氣就可輕易完成， 亦無需下蛋， 對蛋敏感的朋友也合適。

連朱古力醬都只用兩種才料， 唯一難度是朱古力醬越冷越杰（我用了不需調溫的甜朱古力）， 要好好掌握時間啊！



乾材料：
中筋麵粉(All-purpose flour)200g
可可粉25g
發粉1茶匙 (Baking Soda)
梳打粉3/4茶匙 (Bi-carbonate of Soda)
砂糖180g
鹽1/2茶匙

液體材料：
牛奶 240ml
牛油溶液75g （切成小片）。

雲呢拿油1茶匙 (後下)

軟心朱古力層：

有糖朱古力粒（不需調溫）220g

淡忌廉180g
砂糖2茶匙

做法：
1）乾材料的粉類混合過篩在大碗內，加入砂糖，用手動打蛋器攪勻

2）牛油切成小件， 慢火煮溶， 加入牛奶加熱至80度，離火待5分鐘， 牛奶稍涼後倒進乾材料內， 用手動打蛋器膠勻至完全無粉粒。 

3) 加入雲呢拿香油攪勻

4）倒入7吋圈（用錫紙封底），放入預熱180度焗爐，焗大約25-30分鐘, 用牙籤測試，穿過蛋糕拔出是乾身的話，便可取出 (不用倒扣，放室溫攤凍就得)

5) 蛋糕涼後便可脫模， 切出蛋糕片, 片成2片    ( 片出的蛋糕不要浪費， 也要吃掉呀。 )

6) 準備軟心朱古力醬（往下見朱古力醬製作方法, 要掌握時間呀）

7) 將蛋糕模洗淨抹乾包上錫紙, 將一片蛋糕放模內， 舖上香蕉片(1/4吋厚)， 淋上一層朱古力醬， 要剛蓋著香蕉

8) 封上另一片蛋糕, 用手輕輕按壓,  再上面倒上適量朱古力醬 (預留1/4cm位置作軟心朱古力面層)， 用長抿刀從右至左抹片（最好一次過抹好， 否則蛋糕面不夠光滑）

9) 將蛋糕冷藏10分鐘再取出， 用火鎗輕消模邊 / 熱毛巾然後脫模

**如新手朋有／ 即晚食用， 步驟10可免，用蛋糕圍邊封邊亦可。 

**封邊後的蛋糕較易存放， 朱古力層可為蛋糕保濕； 外露的蛋糕放再雪櫃會較易變乾。 (薄薄的抹塗小許便可)

10) 用抹刀將餘下冷卻後變得杰一點的朱古力醬抿片蛋糕邊緣 （這步驟要點技巧， 用轉盤幫助較好, 如朱古力醬冷卻後太杰， 可座一會熱水， 待至合適杰度再繼續)， 再按個人喜好作裝飾便完成。

**封邊後的蛋糕較易存放， 朱古力可為蛋糕保濕； 外露的蛋糕放再雪櫃會較易變乾 (薄薄的塗小許便可)

11) 因做好後尚有朱古力醬留下， 我便入袋做唧花裝飾。 

軟心朱古力層：

**朱古力醬越冷越杰， 要看清楚好好掌握時間啊！

1) 淡忌廉加熱至80度 （不要煮滾）倒進朱古力粒+砂糖內 ， 待2分鐘， 其間不要攪動。 

2) 2分鐘後用膠刮輕力混合至光滑朱古力醬 （我用不需調溫朱古力）, 待5分鐘朱古力醬稍為攤暖便可用作中曾及淋面。

3) 朱古力醬越冷越杰, 朱古力半冷卻後可用來抿邊（但要快手）；  如朱古力醬冷卻後太杰， 可座一會熱水， 待至合適杰度再繼續,    如有剩下的可入袋唧花

請留意： 我家只有不需調溫朱古力， 如用調溫朱古力， 忌廉份量未必相同（我未試過， 所以不肯定）。