神還原東京民宿自煮壽喜燒🍲+松葉蟹🦀😋😋

Owen仔睇完我快閃咗東京D相； 見到我民宿自己煮咗一餐壽喜燒， 仲蒸咗隻松葉蟹添； 佢立即要詐嬌話要Mama再煮一餐比佢食。

上星期複完診去醫務所格離Sogo行下超市；碰啱和牛片半價5大片連黑無豬片＄125一份超抵食；再兜去超市買隻生猛松葉蟹整餐備佢食啦！ 老公話慈母多敗兒, haha....

去日本我喜歡book民宿； 貪佢地方大D， 但最緊要係要有廚房可以買D靚食材玩吓； 每個trip重點節目就係去超市採購整個火鍋或sukiyaki， 比出去食性價比高好多㗎 ！

就係呢幾張東京民宿自煮相引到Owen仔流哂口水， 哈哈！