瑤柱鮑汁荷葉飯(食譜)

母親節晚餐由哥嫂操刀；Owenmama超輕鬆； 只係負責呢個瑤柱鮑汁瑤柱荷葉飯。

呢個飯係爸媽的外出用膳愛點的；  襯母親節就做來與家人共享。  瑤柱/蝦米/冬菇加雞肉， 超足料； 鮑汁令炒飯味更香濃、加上淡淡荷葉香味， 超正㗎！   嚟緊父親節大家不防參巧吓！

材料： 

乾荷葉一片

白飯4碗

江瑤柱6粒

蝦米2湯匙

冬菇4隻

去皮雞髀肉220克

迷你即食鮑魚2隻（可免）

雞肉醃料：

鹽 / 糖 / 油 各小許

炒飯調味： 

鮑魚汁4湯匙 （可免）

煲仔飯豉油適量

砂糖小許

鹽小許

1/  蝦米用水浸軟， 搾乾水份  /  冬菇用水浸軟， 搾乾水份再切成小粒 /

     江瑤柱用水浸軟， 搾乾後撕成絲狀 / 去皮雞髀肉切成小粒

2/  去皮雞髀肉切粒; 用糖/鹽/油各小許醃15分鐘備用

3/  荷葉略為沖淨； 再用暖水浸軟；  

    4/ 瀝乾後在葉面掃上薄油； 

   5/ 舖在大碗中備用（如用蒸籠製作； 碗的直徑最好和蒸籠稍為小一點）

6/  燒熱2湯匙油， 下雞肉爆炒至7成熟， 下冬菇粒炒一會

7/  灑進1湯匙煲仔飯豉油兜至上色

8/  下瑤柱絲及蝦乾粒炒至雞肉熟透

9/  下白飯兜炒至飯粒散開    

      Tips:  不一定要用冷飯， 我今次日用咗新鮮飯炒， 效果一樣好！

10/   灑進鮑魚汁兜勻 

         Tips:  如無鮑汁則可全用煲仔飯豉油調色及調味

11/ 再下適量煲仔飯豉油兜炒均勻

12/ 下糖／鹽各小許至合自己口味及炒至乾身

13/  把炒飯放進荷葉碗中， 稍為按實

14/  將荷葉包裹好； 再用牙簽貫穿固定

15/  將荷葉包飯轉往蒸籠， 接口向下

       Tips:  無蒸爐用碟盛著蒸也可； 但建議在碟上放蒸架， 以免底部被倒汗水浸濕。 

16/ 大火蒸15分鐘便可將荷葉剪開食用

     Tips:  我在上面放上即食米你鮑魚， 如無可免。

 

Tips:  

**炒飯不一定要用冷飯， 我今次日用咗新鮮飯炒， 效果一樣好！

**如無鮑汁則可全用煲仔飯豉油調色及調味。 

**（不加鮑汁也可）因屋企有罐新年食剩嘅迷你即食鮑魚， 就開咗加埋鮑汁落去炒飯， 令炒飯味更香濃。 臨食加上迷你鮑魚， 更錦上添花 。 

越式香茅豬扒 (食譜)

 

越式香茅豬扒

材料： 
急凍半肥瘦梅頭豬扒 3片(約330g)
香茅3枝

醃料(1) ： 

魚露4茶匙
糖3.5茶匙
生抽1茶匙
老抽1 茶匙
料酒3茶匙

醃料(2) - 後下：
生粉2茶匙
萬歲芥花籽油2茶匙

 

1) 梅頭豬扒解凍抹乾， 略為錘鬆及在邊位帶筋的位置輕輕剪開免豬扒煎時卷起

 

2) 香茅切段拍扁(只要下半截)

 

3) 將醃料 (1) 混合加入後香茅段撈勻，將醃料與豬扒混合

4) 放入保鮮袋中冷藏最少4小時

   

5）取出豬扒待回室溫；拿起香茅段

6)  按序分別加入醃料(2)的生粉及油撈勻        (生粉及油後下會令豬扒滑點)

 

6) 燒熱適量萬歲芥花籽油； 把豬扒煎至熟透及微焦; 伴以越式魚露醬汁享用。

 
 

Tips: 
**醃料要帶點甜才會有焦糖化的甜味.  我習慣將醃汁調好, 先試味才醃肉
**請按自己口味微調鹹甜調味的份量
 

自家燶邊叉燒 (食譜）

住家半肥瘦燶邊叉燒 (食譜）

自家燶邊叉燒 (食譜）
我哋呢D鍾意煮嘢嘅師奶仔, 最開❤️ 就係買到靚食材! 今次就係買到件急凍黑毛豬梅頭肉， 自己切條，做咗碟半肥瘦燶邊叉燒。
👀叉燒喺焗爐度爆油， 超治癒😍

而家坊間有好多現成醬料； 已經唔駛用一大堆醬料都可以整到似模似樣嘅叉燒！ 熱辣辣出爐即食； 媲美名牌食店出品㗎！

食譜前請容許Owenmama懷勉一下過去：
細個時爺爺是開燒臘店既； 屋企門前有個比人還高嘅柴火燒爐；同好多用大鐵罐裝住嘅醬料！ 我對整燒臘無興趣； 只係成日攞筷子去撩麥芽糖食！最懷念係放學後經過爺爺的車仔燒臘店； 佢都會醒件叉燒頭比我食； 當時係下欄； 現今成為上品！爺爺過世三十多年喇; 每次整叉燒時都會懷勉一下兒時； 好多場景至今仍然歷歷在目！

食譜: 

新鮮半肥瘦梅頭豬肉750克

醃料（1）：
老抽1/2湯匙
玫瑰露酒1湯匙
砂糖3/4湯匙

醃料（2）：
叉燒醬 適量 （分兩次用）

掃料：
麥糖3湯匙
叉燒醬1湯匙


1)  掃料攪勻成漿

2)  豬肉洗淨，抹乾，用醃（1） 醃1小時 ； 令肉有底味。

3)  加入3湯匙叉燒醬放雪櫃最少醃3-4小時(用手揉勻)

4）再次倒去多餘的醃汁； 加適量叉燒醬揉勻準備入爐 

5)  焗爐預熱般180度，焗盤先包錫紙； 把肉放在網架上放進焗10分鐘

6）取出，掃上掃料(要均勻, 多點也不怕)，再焗5分鐘，(此時叉燒已熟透)

7）將爐溫升至250度； 在叉燒上掃上一層掃料； 焗至邊位焦香便可出爐（約8-10分鐘）

8）讓叉燒靜止10分鐘； 便可切片上碟。

Tips: 
1) 要吃靚叉燒就要吃半肥瘦， 否則便沒風味！
2) 多掃掃料， 要燒到邊位微焦， 掛汁； 油潤帶光澤才合格！
3) 必要用玫瑰露, 如改 用其他酒類便不對版了。
4) 個別爐溫同叉燒厚薄都會影響焗的時間，最緊要不時檢視及目測。

蒜香辣椒蒸蠔 (食譜)

 

【蒜香辣椒蒸蠔】

每次喺屋企整到味道似酒樓出品嘅菜式都會感到滿心滿足！  北上最愛食物之一； 呢個蒜香辣椒醬其實都好易整； 仲無味精， 無添加！  配大大隻台山蠔； 鮮甜惹味； 真係極都唔夠喉啊！

其實呢個香蒜辣醬配任何海鮮； 尤其貝類同蝦蟹效果最好！ 只需簡單幾步，有興趣就快啲跟食譜試吓啦！

蒜香辣椒蒸蠔

 
材料：
鮮蠔5隻
 
香蒜醬：
萬歲粟米油2湯匙
蒜頭1個(切幼粒)
豆瓣醬1.5茶匙
生抽1茶匙
砂糖1.5茶匙
生粉1茶匙
 
配料：：
蔥粒及辣椒粒隨意                                                                                                
 
 1/  先準備香蒜醬：慢火燒熱2湯匙萬歲粟米油； 下2/3蒜粒慢火炸至微微金黃便要離火； 以餘溫炸至金黃色。   

 

2/ 蒜粒連油一拼倒盛大碗中;  趁熱下餘下1/3生蒜粒 /豆瓣醬 /生抽 糖 /生粉撈勻成香蒜醬

 

 

3/  鮮蠔開殼（不懂開可請魚販代勞)  ;    擦淨蠔殼； 灑少許生粉在蠔肉上； 用手指輕力搓揉去潺及污物， 沖淨備用

 

4/ 燒滾一鍋水； 下蠔大火蒸6分鐘或至蠔肉8成熟（時間視乎蠔的大小調節）

 

5/ 打開鍋蓋把香蒜醬淋在蠔上； 再度蓋上鍋蓋大火蒸2分鐘或至蠔熟透

6/ 取出蠔； 在上面灑上蔥粒及辣椒粒便可趁熱享用 (重口味的朋友可加小許蒸魚豉油)

 

 

Tips:

**步驟 #1蒜粒炸至時開始微微金黃便要離火； 以餘溫炸至金黃色。 如過火便會有苦味。

**步驟 #2香蒜醬調好後試味及按個人口味調節鹹／甜度

**步驟#4原隻蠔連殼蒸煮時因底部傳熱性較低烹調時間會長些; 需自行目測觀察