簡單的一餐 - 豉油皇炒麵

上星期六老公有飯局，剩底我同Owen, 兩個人煮飯又唔係，又唔想出街食，兩母子食完午飯就去左遊街市搵”煮意”，　行經麵點見到ｄ麵餅，Owen 問：　媽咪，你識唔識炒麵？　咁即係佢想食啦。　無問題，雖然未炒過，但係應該係easy job。    完來兩個生麵餅可以炒到好大好大碟炒麵架，炒到我手軟，整多幾次我諗連拜拜肉都收埋呀，哈哈。

做法：

1) 生麵兩個，
-出水（滾水落，用筷子弄散　一散開即離鑊，浸冷水。冷卻後瀝乾水備用）
-用較剪剪數下，麵條過長會很難跟配料混合

2)配料切絲(無特定配料，隨喜好加乜都得)
-如下菜類就要先炒熟備用

3) 燒熱易潔鑊，加小許油，先爆香洋蔥，再下麵條兜炒至麵全熱，
下配料，及適量炒麵豉油兜炒至全部材料混合，麵乾身便可上碟。

**豉油不而過多，太濕/太黑都不好。
**姿整d就可以好似我咁煎一片蛋皮切絲裝飾，如果灑上炒香左o既芝麻就更香口啦。