柚子蜜煙鴨胸沙律

上星期六喺屋企幫老公開生日 Party   ， 因為好多嘅菜式都係肉類，整咗一大盤最簡單嘅生

菜青瓜沙律， 又想整多個沙律比人客選擇，見冰廂有兩件煙鴨胸，於是創作左呢個煙鴨胸沙

律，本來醬汁就咁用日式醋汁就算，但係發現食物櫃裡面有幾包柚子蜜，就用咗幾包再加檸

檬汁做成醬汁，出奇哋清新好味喎，仲好受朋友們歡迎，食到一粒都無剩， 呢次就地取材嘅

創作又成功咗喇,  夏天食好啱㗎。

*******************************************************************************

材料： 煙鴨胸， 紅／黃椒，青瓜，唐芹，芫茜，車厘茄 

全部材料切粒（芫茜除外），放雪櫃冷藏，臨食才把所粒粒混合，加入

以柚子密混合檸檬汁

的醬汁(酸甜度按個人喜愛調較)和芫西粒便成。 
 
**留意： 太早將粒粒和醬汁怕會出水。