2014年9月25日星期四

金蒜粉絲蒸帶子




琴日在家為大姑奶提早慶生宴其中一味菜,   今日先同大家分享呢個美味帶子食譜,呢個蒜蓉醬超惹味,  仲一D味精都無, 仔仔用個蒜蓉醬撈左兩碗飯呀.

今次買到特大新鮮帶子,我預每人兩隻,將佢哋搬埋同一個殼上,一盤過蒸哂,吾洗分兩次方便好多。

帶子裙邊較韌, 吾喺個個喜歡, 但為咗唔浪費剩下的粉絲同金蒜醬,我將佢另外用碟上蒸咗3分鐘,結果都清哂。


食譜:

鮮活帶子10隻

粉絲適量,事先用水浸軟

金蒜醬半份: 按此往 - 金蒜醬食譜


蔥花適量



做法:

帶子去內臟洗淨,舖上適量已浸軟粉絲,和灑上適量金蒜醬,大火蒸5分鐘,最後淋上用糖調味的生抽,灑上蔥花便可上桌。

**蒸煮是間請按帶子大小自行調較, 今次係特大,所以用咗5分鐘。



今次請客再出動蒸爐,一次過蒸肉,魚同帶子,只用明火煮其餘兩味,有呢個好幫手,請客好輕鬆呀。





3 則留言:

  1. 呢個易整又大體, 請客都煮呢款.

    回覆刪除
  2. 我想請問三様不同的食物,用蒸爐怎樣處理做法。謝謝!

    回覆刪除
    回覆
    1. 提議你ADD我FACEBOOK呀, 我會即看到留言就覆, 呢到唔係成日CHECK留言, 會覆慢D呀, 以下是解答:

      如三款食物煮的時間一樣, 一齊放先放進較時間, 中途取出短時間的便可。 好處是可隨時開關爐門取菜,之候不用再較時間, 關門後會自動繼續操作。

      刪除