韓式炆牛仔骨煲(（明火+ Instant Pot壓力煲食譜)

黑雨下的韓式炆牛仔骨煲

工作日已好少下廚； 黑雨竟然有機會！ 

上半日超忙要reschedule當日D會； 下晝就安靜D可以煮下飯仔添。  我整整咗韓式牛仔骨煲； 兩父子超開心， 因為份量大， 第二日午餐都有着落添呀！

呢個韓式炆牛仔骨煲（厚切）肉軟腍;  D汁有牛香+帶果香又甜甜地; 撈飯真係無得輸㗎, 就連D配料都超吸汁美味! 家中二男仲話好有韓國餐廳水準呀， 哈哈！

我今次用壓力煲煮， 不過唔係好普及； 所以都把明火煮法分享俾大家！

韓式炆牛仔骨煲

材料： 

厚切牛仔骨 1kg (厚切1.5吋)
冬菇數粒(浸軟去蒂)
小白蘿蔔一個（切件)
小紅蘿蔔一個（切件)

栗子6粒

紅棗4粒 (切半去核)

調味料:

蒜粒1湯匙

南水梨1個 (磨成蓉)

生抽6湯匙
老抽1湯匙
味醂6湯匙
冰糖適量
水適量

明火法： 

-牛仔骨解凍用水浸30分鐘（去血水）
-牛仔骨出水10鐘，撈起清洗及瀝乾
-南水梨磨成蓉； 與調味料調勻備用
-把牛仔骨放入煲內，加入適量水調味料及冰糖煮滾;   轉小火，蓋上煲蓋炆45分鐘，熄火焗15分鐘
 -加冬菇、栗子，再細火炆15分鐘，熄火焗15分鐘（如水蒸發便要補充； 加水份到幾乎蓋過所有料便可）
-撇去面層油份
-加入紅、白蘿蔔、紅棗，小火炆30分鐘，試味，如需要用生抽／糖較到合自己口味便完成。

**韓式牛肋骨煲口味較甜，請自行按口味用砂糖生抽最後調較。

Instant Pot壓力煲法： 

-牛仔骨解凍用水浸30分鐘（去血水）

-牛仔骨出水10鐘，撈起清洗及瀝乾

-南水梨磨成蓉； 與調味料調勻備用

-把牛仔骨放入壓力煲內，加入調味料、適量水及冰糖;   蓋上蓋【壓力】煮12分鐘； 

- 釋放壓力後打開蓋-撇去面層油份

-加冬菇、栗子，及紅、白蘿蔔紅、紅棗，用【蒸煮】模式煮30分鐘

-試味，如需要用生抽／糖較到合自己口味便完成。

**韓式牛肋骨煲口味較甜，請自行按口味用砂糖生抽最後調較。

 

泰式肉碎粉絲蝦暖沙律 - 食譜

 

【泰式肉碎粉絲蝦沙律】  食譜

呢幾日天氣超級悶熱到連胃口都變埋； 好似大肚婆咁鐘意食酸酸哋嘅嘢； 哈哈！  忽然諗起呢個泰式暖沙律，酸酸哋； 七咁多彩； 睇落吸引又惹味！  熱天食就啱曬喇！

材料：
中蝦肉數隻 （熟）

小粉絲一札
豬絞肉150g
紅蔥頭2粒（切絲）
洋蔥1/4個（切絲）
番茄1/2個 （切絲）
唐芹段 小許
蔥段 小許
辣椒粒（隨意， 如不好辣可免）

豬肉醃料： 
魚露1/2茶匙

調味汁料 (調勻， 試味備用)：
青檸檬汁1.5湯匙
魚露1湯匙
糖1.5湯匙 (糖的份量請按自己口味調節）

步驟：

1/ 豬絞肉用1/2茶匙魚露撈勻備用 /  急凍蝦肉解凍後煮熟備用

2/ 燒熱一鍋水； 熄火後放進浸軟了的粉絲浸泡10秒後撈起； 立即放進冰水內浸至冷卻， 瀝去水份後略剪備用

3/ 易潔鑊中火燒熱1湯匙油下豬絞肉爆炒至8成熟, 再下乾蔥絲及洋蔥絲爆炒至豬肉熟透 (如好辣可同時加入辣椒粒)

4/ 轉慢火下熟蝦肉、番茄絲、唐芹段、蔥段  

5/ 最後加入粉絲 、調味汁料兜炒均勻便可上碟。

Tips: 

-海鮮可按喜好隨意配搭； 選口感清爽的便可。 （如青口； 魷魚等等）

-跟步驟（3）處理過的粉絲不會再過度吸汁； 沙律不過乾。

冬菇滑雞蒸飯（食譜）

                                        

冬菇滑雞蒸飯（食譜）
只係7月頭天氣已經熱到想死， 唔想對住火爐太耐，加上放工時間唔多， 預早一晚浸定冬菇同醃好雞， 用電蒸爐做咗呢個蒸雞飯， 加個焯菜心， 明火只用於焯菜的； 唔駛對火爐太耐， 兩口子簡簡單單又一餐。

廚房內電器中， 我最愛就係部純蒸爐； 佢可以一次過幾樣餸／飯；雖然當時都算貴嘅； 不過我幾乎餐餐都用； 用咗7，8年都回哂本喇！

食譜: 2人份量

材料：
雞半隻
浸軟冬菇4粒
杞子（稍浸）隨意

醃料:
薑數片
生抽1/2湯匙
蠔油1/2湯匙
糖1茶匙
花雕酒1茶匙

老抽小許（調色）
薑隨意
生粉1茶匙
油1茶匙


1/ 雞斬件； 洗淨後徹底瀝乾水份
2/下醃料撈勻（油除外）後才下油撈勻最少醃15分鐘， 最後加入冬菇片撈勻備用
3/ 把米洗淨瀝乾放蒸碗中（淺碗較好）； 下水(平常比例)
4/ 大火蒸10分鐘（水滾起計）或至水份剛被米吸乾
5/ 把雞件、冬菇片平舖在飯面及灑上杞子， 蓋上蓋繼續蒸15分鐘雞件熟透便完成
6/ 灑上蔥花； 淋些煲仔飯豉油就食得喇

Tips:
**火力及碗具材質、深淺都會影響蒸飯時間； 請自行目測調節

麻香酸菜魚(食譜)

麻香酸菜魚(食譜)
前兩日同同事去食酸菜魚午餐； 雖然好食但係就好辣；一啖魚一淡水一D都唔過癮。 返屋企整個BB辣版本，自己調較嘅酸菜魚湯底麻/酸/辣度； 新鮮鱸魚肉鮮滑! 唔駛出去食； 跟住食譜自己整開胃惹味都好容易咋; 怕辣嘅我食到夠喉為止！

完整圖文食譜： https://owenmama730.blogspot.com/2025/06/blog-post.html

                                                                   

                                                                       Youtube Video 

 

麻香酸菜魚


材料
鱸魚 2條 約（900克）
酸菜  300克
指天椒乾 10條
花椒粒 1.5湯匙
薑粒、蒜粒各2茶匙

魚骨醃料

胡椒粉 1/2茶匙

魚肉醃料：
胡椒粉 1/2茶匙

蛋白3/4隻
幼鹽1/2茶匙
生粉1茶匙

湯底材料:
雞湯 800毫升
滾水 200毫升
薑   4片
白醋/砂糖（按個人口味）

做法: 

1/ 酸菜切絲備用；將指天椒乾的頭剪開，倒出辣椒籽（炒時辣味更突出）

2/ 魚洗淨; 去鱗及起肉。魚骨斬件；魚肉切厚片

3/ 魚骨加入胡椒粉撈勻辟腥
4/ 魚片加酒、鹽、蛋白及胡椒粉抓醃至醃料被吸收，再下生粉撈勻備用

5/ 燒熱油爆香薑片，然後下魚骨和魚頭慢火煎至金黃

6/ 轉為大火後贊進雞湯及水; 灑進胡椒粉後大火煮約1分鐘成魚湯； 撈起魚骨； 湯留用

7/ 燒熱3湯匙油，下花椒粒慢火炸香，再下辣椒乾及籽炒香

8/ 把指天椒乾、部份花椒粒及油盛起備用

9/ 下薑粒、蒜粒炒香；加入酸菜同炒至乾身

10/ 加入剛才煮好的魚湯慢火煮8分鐘

11/ 下魚骨及魚片煮至魚片剛熟

12/ 按個人喜好加入白醋和砂糖調味

13/ 先把魚骨挾起盛於放有芫茜的深碗中;再放上魚片、酸菜及湯汁

14/ 最後灑上炸香的花椒粒及指天椒乾作裝飾及添香便完成

Owen五香肉丁炒飯 (食譜)

Owen五香肉丁炒飯 (食譜)

朋友嚟聚餐食剩3碗飯； 珍惜食材留起第二晚炒飯食。 難得Owen自動請纓； 梗係交比佢啦！Owen仔第一樣從Mama學既就係炒飯； 今次用五香肉丁炒； 仲加入大量芫荽、蔥粒， 炒得乾身又香； 啱晒我口味呀！佢炒飯我炒豆苗； 兩母子撐吓枱腳先； 心甜晒！

五香肉丁炒飯

材料:
五香肉丁1罐
冷飯3碗

蝦仁數隻 (先炒熟備用)
砂糖、幼鹽適量
芫荽、蔥粒大量（亦可隨意，甚至可免）

1/ 五香肉丁開罐後倒去多餘油份；盛起數粒肉丁； 其餘的稍為用叉壓散備用
2/ 易潔鑊燒熱1湯匙油； 下冷飯炒至散開
3/ 把鑊中央的飯撥開一小洞， 下小許油後倒進蛋液； 用剷輕力攪拌，待蛋液開始至凝固時， 轉4/ 大火與飯炒勻
5/ 下適量砂糖、幼鹽調味
6/ 下肉丁、熟蝦仁翻炒勻後試味
7/ 灑進芫荽蔥兜炒便完成。 

花蟹蒸滑蛋蟹 （食譜）

花蟹蒸滑蛋蟹 （食譜） 

Owen最愛蒸滑蛋Baba最愛蒸蟹;  今次將兩者合併呢個【花蟹蒸滑蛋】  蟹有蛋味： 蛋又有蟹味； 蛋蟹交融；而家仲回味緊呢； 賣相靚又好食. 大成功！！  呢個無油菜式係Owenmama誠心推介！！

【花蟹蒸滑蛋】食譜： 

小花蟹2隻

蛋3隻（約150ml）

蟹汁150ml

清雞湯150ml 

***  蛋液 : 蟹汁 + 清雞湯比例為 1: 2 (如蟹汁不夠100ml則用雞湯補充至共300ml）

步驟: 

1)  蟹洗淨排在深碟中（肚向上），蒸10分鐘 

2)  拿起蟹，倒起蟹汁+過篩備用

3)  蟹揭蓋、去掉鰓； 切件排在深碟中 ； 砌回蟹形

4)  蛋打散後加入蟹汁及清雞湯調勻； 再過篩

5)  把已過篩的蛋汁倒進碟中

6)  先用錫紙蓋碟面；  水滾後放進蓋上蓋； 轉中火蒸10分鐘

Tips: 

**蛋和水份比例為（1：2  -  150ml蛋液：300ml蟹汁+清雞湯）

**蛋汁份量多少，同容器質地、深淺都都會影響製作時間，蒸的時間也應自行調節。 

團年必做 - 鮑汁花膠燴冬菇 （食譜+發花膠/冬菇法)

鮑汁花膠燴冬菇（食譜+）

仲有個幾星期就過年， 團年總要做D賀年菜式。
今次介紹呢個鮑汁花膠燴冬菇比大家。  清楚講解如何發花膠同冬菇。 做法其實唔難只係要花D時間同耐性。  但係上檯嗰時就個個都會大讚佢睇得又食得。   跟住食譜做； 包家人親友都讚你係大廚啊！

重點係花膠同冬菇都可以大量發定然後分小袋存放係冰廂； 放兩個月都無問題㗎； 一次過發定； 過年就一勞永逸啦！

***（食譜）*****

經處理花膠筒3件（處理法往下）
經處理菇冬6隻（處理法往下）
蔬菜隨意

蒸發花膠法:

1/ 花膠放碟上，加薑片隔水乾蒸30分鐘至稍軟（至可以屈曲）
2/ 撈起泡冰水，冷卻後清除花膠上的黏附物， 再封好放入雪櫃浸過夜
    **中途換一次水
3/ 隔天取出已發大的花膠 ，再度乾蒸30分鐘； 撈起再浸冰水放雪櫃中浸一夜;  取出切件
4/ 煮滾適量雞湯； 下薑片及1茶匙花雕酒放進花膠慢火餵20分鐘; 撈起瀝乾備用
 
**全個發花膠過程或用具均不能有油份； 否則膠質會流失。 
**蒸發時間視乎花膠大小調節
**一次可處理數份花膠； 完成步驟3後多餘的花膠分為數份用保鮮袋袋好放冰廂內可儲存數月。  取出解凍後再炆煮便可


處理冬菇法:

 (1)步驟1:

冬菇20隻
薑4片
蔥段數段
片糖1/4片
水適量
 
(2)步驟2-5
萬歲芥花籽油1湯匙
蒜頭4粒
薑4片
蠔油2湯匙
老抽1湯匙
花雕酒1湯匙
煮冬菇水適量
 
1/ 冬菇浸軟去腳； 放容器中注入水份（水要浸過冬菇）； 加薑片／片糖／蔥段用微波爐高火
    加熱10分鐘 ; 取出隔去水份; 冬菇水留用    
**如用明火則可蒸1小時
 
2/ 燒熱1湯匙萬歲芥花籽油； 爆香蒜粒及薑片

3/ 加入冬菇； 贊花雕炒香； 下冬菇水煮滾 （幾乎蓋過冬菇便足夠）
 
4/ 拿起薑、蒜；蓋上鑊蓋慢火炆煮至剩小量水份 
 
5/ 下老抽及蠔油調色及調味; 繼續慢火煮3分鐘便完成
 
**一次可處理數份冬菇； 多餘的分為數份用保鮮袋袋好放冰廂內可儲存數月。 取出解凍後再炆煮便可。 

＊＊＊最後合成＊＊＊

經處理花膠筒3件（處理法如上）
經處理菇冬6隻（處理法如上）
蔬菜隨意

炆花膠材料：
薑3片
雞湯400毫升 
花雕酒1茶匙
鮑汁3湯匙
 
 
炆冬菇調味：
萬歲芥花籽油2茶匙
蠔油2湯匙
老抽1湯匙
砂糖1茶匙
水1碗
 
 
步驟:  
1/ 燒熱2茶匙萬歲芥花籽油, 下預先處理好的冬菇略爆 (冬菇處理法往下), 下水、砂糖、老抽及蠔油煮至滾起
2/ 蓋上蓋慢火炆煮至調味汁料蒸發一半， 試味後備用
3/ 把預先處理好的花膠切件(花膠處理法往下)
4/ 雞湯及花雕酒煮滾
5/ 放進薑片花膠件蓋上蓋炆煮至喜愛的軟腍度（時間視乎花膠的厚薄度自行調節）
6/ 取出薑片，泌出過多的湯汁; 下鮑魚汁後繼續炆煮10分鐘便可上碟
7/ 加進花菇及預先煮熟的蔬菜， 便可趁熱享用