八寶雞撈起 - 風生水起

 

八寶雞撈起

18人團年宴順利完成； 今年Owenmama負責賀年菜式。其中一味【八寶雞撈起】； 8款配料有花生、海蜇、蕎頭、紫洋蔥、青瓜、紅甘筍、芫荽、花生。  寓意發財大利， 風生水起！

雖然無乜技巧； 但勝在顏值高，好意頭又好食！一家人一齊【撈起】超有儀式感、超好氣氛！

 為咗整呢味餸周圍搵14吋大碟(淘寶送趕唔徹運落嚟), 終於last minute喺筲箕灣搵到,  仲係last一隻半價貨； 仲平過淘寶！係幸運好兆頭啊！

今年同繼續嫂嫂拍住上泡製呢餐團年宴； 仲有家姐嘅拿手炸排骨添！成檯食物我諗嚟多數10個人先食得曬；哈哈！

以前一個人煮10幾人都無問題； 而家就琴晚煮完； 今日條腰骨痛都仲痛緊！ 

 所以Owenmama 闔家預祝大家馬年除咗撈得起； 最重要係身體健康； 老少平安！

 

#沒有妳還是記掛妳

#如妳在一定食更高興

#一家人齊齊整整最重要

#健康地風生水起