皮蛋鹹瘦肉粥 d- Owen婆婆的老方法

下火皮蛋瘦肉粥

OwenBB時, Owen婆婆就教我用呢個方法煲粥仔畀佢食， 啲粥又綿又滑， BB Owen餐餐都食兩碗架

而家每當感覺有啲上火冇乜胃口, 或者屋企人唔舒服, 都會用媽媽教我嘅方法做畀屋企人， 零舍有味道，特別暖心。

Owen婆婆做法:

-先將米洗淨加小許水、油、鹽浸1個鐘

-之後再沖洗一下， 倒去水分再加水連埋鹹瘦肉一齊煲粥

-大火煮滾後轉為細火， 米就好快爆成米花， 好快變成又綿又滑嘅靚粥

-差唔多煲好嘅時候加入皮蛋粒， 再煮滾就可以食啦

鹹瘦肉:

-8両梅頭肉切片， 加2.5茶匙鹽撈勻

-醃1-2小時, 之後沖水， 去除表面鹽份， 就可以加埋啲米一齊煲粥喇。

其實烹飪真係各施各法， 冇話正唔正宗， 衹要做出嚟啱家人胃口就成功嘞。