自家製全日宴

上次我同Owen吼老公返中更試整天婦羅，老公一直梗梗於懷，話我地個成日等佢唔ｏ係度先整好野，一有機會就會入位要我再整比佢食。

琴日早上我同佢講：

我：”老公，今日係我舊曆生日，你點同我慶祝呀？”　　

老公：”啊，咁你晚整天婦羅，我同你ｏ係屋企食飯慶祝呀ｏ下”　

我：”$%&*&^*&%"!!   

不過最後都係整左囉, 仲整左成set 日本全餐添。

菜單：

前菜(冷盤)：麻醬蕃茄 (阿嫂上次整比我地食，好正! 今次偷佢師 )

                      鰹魚汁豆腐

炸物：  大蝦+南瓜天婦羅

飯 ：   雜錦魚生飯 (好靚呀，係Owen同老公砌o既)

蔬菜： 蒜蓉牛油焗雜菰

琴日Bonnie 同仔仔晚飯無著落，就請埋佢地黎開飯，點知佢鬼咁客氣，買左隻日本蜘蛛網蟹黎加料(佢話同我賀壽喎)，最後，得三個大人，兩個細路，但係就成檯都係ｏ野，最後都係食唔晒，大半隻蟹就打包比佢老公消夜。

隻蟹真係好正呀，ｄ肉好大條，從味試過ｏ係屋企將原隻大蟹解體黎食，最多都係食腳咋。多謝晒Bonnie 呢個咁另類ｏ既生日禮物啊。