Owen之炒飯初體驗

Owen之炒飯初體驗   - 上次Owen睇完我炒飯，成日都話想試下，琴日我去街，咁o岩Owenbaba踢波傷左隻腳，行動不便，Owen就舉手話要炒飯比爸爸做下午茶。

我出街前帶佢去買定材料，順便用微波爐煮定幾碗飯攤凍比佢試。　　臨走再講多次流程，由切粒粒到炒飯都由佢一手一腳包辦。

你地睇佢都有辦有眼架，之後爸爸仲幫佢影埋相添。　　我問爸爸味道如何，佢就話只係唔係好夠鹹，其他都唔錯。　不過個廚房就週圍都係飯粒喇。

我就覺得處男下廚(除左煮即食麵)，值得鼓勵，比一大個Like 佢。

好認真，不過楂鑊剷ｏ既手勢就麻麻喇。

  好似幾靚咁喎。

你地睇下，週圍都係飯粒同ｄ野亂晒。