簡易葡國雞

 

年初四做了25人份量奉客，結果全部清曬，連汁都無剩。喱一個送要嚟送飯，意粉，薄餅或者多士，一樣美味，而且做法簡單，你地都試下。

食譜：  

急凍雞扒三件
大洋蔥一個
甘筍一條
薯仔兩個
葡國雞汁一樽
水適量
糖少許

-雞扒解凍，抹乾，切成小塊用一茶匙幼鹽撈勻萬醃15分鐘

-薯仔整個洗淨用清水煮12分鐘至熟（時間按薯仔大小自行調節），趁熱撕去薯皮，切件備用

-洋蔥切片備用

-易潔鑊燒熱一湯匙油，下洋蔥爆炒一會，下雞肉炒至半熟

-下匍汁（先下3/4樽）及水（水的分量差不多蓋過材料便可）

-下甘筍蓋上鍋蓋蚊煮10分鐘

-下薯仔炆10分鍾試味，如需要可加少許糖調味，完成便可上桌。

-記住水不要下太多，否則味道會不夠濃。
-因每個人用的鑊大少有分別，水分可能會有些出入，建議先下3/4樽匍汁，留下一些最後試味時再加進，這樣較容易控制味道。

糯米釀雞翼2015

農圃名菜， 一隻要 $50多元， 自己做雖然手功較多， 但成本低,    無賣相同味都一流， 家人一定超愛， 所以耐唔耐做一似OK㗎。

今次改良不用上皮， 只用老抽上色， 既簡單， 又可減小風乾時間。


食譜:

糯米飯半份

按此往臘味糯米飯食譜

雞全翼6隻 (我用冰鮮的， 只係＄6一隻)

1） 切去雞鎚，用較剪小心去除中翼中的骨

2)   雞翼抹乾，用小許鹽醃內外最少1小時

3） 釀入已凍的糯米飯，用牙簽封口

4）用手將小許老抽塗抹在雞翼上（不用太深色）

5） 吊起風乾至表面乾燥（因琴日潮濕，用左7小時才至理想乾度）

6） 小火燒熱油，下雞翼炸至表面微黃，撈起，大火燒滾油，下雞翼返炸至香脆微啡色撈起

7） 用廚紙抹索去多餘油份便可上碟

臘味糯米飯

今晚整o既生炒糯米飯，凍冰冰食，好暖胃呀! 自己郁手整，足料又無酒樓咁肥膩添呀。今日只係炒左大蓋3碗飯，所以隻手都唔算好攰，但係如果多請客o既話，我諗都要搵老公幫手至得喇。

做法係跟高師傅Youtube video學o既，係先蒸熟後炒，都唔算難，整出黎真係似模似樣架。

糯米1.5杯 （用水浸8半小時備用）

冬菇5隻 （先浸軟，蒸10分鐘切粒備用）

蝦米2湯匙（用水浸15分鐘，瀝乾備用）

臘腸1.5條（先蒸熟，切粒備用）

生抽1.5湯匙

砂糖3/4湯匙

鹽1/4茶匙

芫茜，蔥隨意

糯米置蒸籠隔水蒸25分鐘至熟 (中途用唧壺在米上唧兩次水)

飯熟前五分鐘，用易潔鑊燒熱少許油，下臘腸粒，蝦米粒，及冬菇粒炒香

將糯米飯親熱下鍋與配料炒勻，同事下味料，最後隨個人喜好下芫茜蔥，兜勻便可上碟

**糯米飯要親熱炒，否則會結成一團，很難炒勻。

**經驗分享 - 雖然d飯蒸熟左，但係炒o既時後都要試下d軟熟度，如果唔夠軟就要不時o係鑊邊灑水再兜炒至軟熟先下調味料 ，水要逐少落，唔係太重手就會炒到"一Pat Pat"架喇。

粟米脆魚柳飯

呢味餸係Owen至愛， 十幾年都無變過，每次出街食飯，屋企人必會點呢個比佢食， 有呢個汁，   Owen  可以連食兩碗白飯。琴晚用前一晚溶定雪的龍利柳做咗兩個碟頭飯， 仔仔忽然話出街， 2人食哂3人份量， 好彩仔仔出去前幫口食咗幾件， 唔喺實食唔哂呀。 

材料：（4人份量）

急凍龍利两條

鹽小許

蛋1/2隻（打散）

生粉適量

汁料：

粟米湯一盒

蛋白一隻半(剛才醃魚剩下的1/2蛋， 不要浪費)

生粉水適量

魚塊做法：

-徹底解凍，吸乾所有水份，用小許鹽灑在兩面醃30分鐘

-將魚肉切成小塊

-將半份蛋液加入魚塊撈勻，令魚塊薄薄沾上蛋漿

-魚塊逐一沾上薄生粉，半煎炸至熟

-先以小火煎熟，再轉大火逼出多餘油份，令魚更香脆

汁料：

-粟米湯煮滾， 下小許生粉水埋薄芡，熄火，立即加入蛋白，輕輕以筷子攪拌成蛋花便可上桌。

蜜汁豬頸肉

呢個係老公同Owen最愛的菜式，上星期整左比老公d同事食，佢地都大愛呀。　
呢個菜好味程度同叉燒有得比，但佢只需用一般醬料，簡單點，仲有用急凍豬頸欲整都無衰（要選鮮色的），ｄ肉好爽，仲帶油香，不過因為肉質問題，最少要醃過夜。

食譜：

急凍豬頸肉3片 (大的)

-徹底解凍，在厚的地放逆紋輕輕界數刀，抹乾備用

醃料：

老抽1湯匙

生抽2.5湯匙

糖１湯匙

梅瑰露1湯匙

掃料：

麥芽糖3湯匙 +醃料1湯匙 (坐熱水混合成糖漿備用)

1)    豬頸肉用醃料醃過夜蓋好冷藏備用

2)    焗爐預熱至220度

3)    焗盤舖上錫紙，放上焗架，豬頸肉放架上, 
     焗10分鐘至半熟, 開爐掃一層掃料，

4)    之後每5分鐘掃糖漿一次，燒至邊微焦便可

5)    臨出爐前兩分鐘再掃一次較厚的焗多一分鐘， 豬頸肉就會又甜又”令” 

**因豬頸肉不太厚，所以大約焗20-25分邊位微焦。 但視乎個別爐溫而定，要自己觀察呀。

快樂情人節2015 - 甜品： Baked Alaska (火焰雪糕食譜)

Baked Alaska

 

橫切面，蛋白霜軟滑，蛋糕鬆軟，雪糕仲好結實，幾層唔同口感，係咪好吸引呢！

見琴晚Owen + Owenbaba 兩個咁有心父子合作情人節晚餐比我嘆， 我都整返個甜品比佢地作為獎勵。 今次係新嘗試， 做咗呢個火焰雪糕 (Baked Alaska),  一般在高級餐廳先食到,  原來自己造並不困難，喱個飯後甜品，人人都會滿意.


6人份量食譜  : 


材料：

現成蛋糕2片

雪糕3杯（任何的自選口味）

蛋白3隻

糖60g

冧酒3湯匙

用具:

4吋的碗或慕斯圈一個

保鮮紙2張

雪糕15-20分鐘至軟身，用起舖上保鮮紙備用

把雪糕鋪在鋪上保鮮碗或圈內（我用朱古力味包住椰子味），再用另一張保鮮紙蓋好放入冰格雪兩小時

蛋白分三次加入糖打至變成蛋白霜，2／3入唧袋備用

取出雪糕，底面各放一片蛋糕

塗上一層薄的蛋白霜，再用唧袋接上另一層的蛋白霜，最後用抹刀黏起尖端成花紋

小心用火槍，將蛋白霜表面燒至微焦

 

用一小金屬容器，盛三湯匙冧酒，用最小火加熱5秒，再小心用火槍燃點冧洒

 

火焰雪糕上桌，將燃點的冧淋在上面，火焰雪糕就完成啦

待酒熄火後便可進食，酒精燃燒後揮發了，剩低冧酒香味

**燃燒酒精時要小心，小朋友要迴避。

快樂情人節2015 - 父子合作晚餐

琴晚情人節因  身體抱恙無出街食， 仔仔同老公話唔想我粗勞， 請纓做晚餐， 話我淨係幫手食就得。 仔仔星期五買定隻雞， 睇住我的食譜醃雞， 第二朝一早煮雞同負責蝦仁炒蛋，老公睇youtube學斬雞仲負責埋煲湯同菜， 見佢地雞手鴨腳， 我當然忍吾住係側邊指指點點同爭住幫手擺盤啦，過程好攪笑。


原來喜歡煮野食嘅人， 齋睇無得落手都好難受㗎。  但真係好多謝仔仔同老公比我個特别的情人節晚餐 ，呢餐全部都滿分呀！