冰鎮芥蘭

超簡易冰鎮芥蘭

好耐之前睇"肥滔"o既飲食節目介紹過呢個菜式，已經覺得會唔錯，呢排芥蘭當造，就立即試ｏ下。

只需將芥蘭莖灼至剛熟，過熟就唔爽脆,（昨天的芥蘭只有尾指粗，所以大火滾分幾鐘就得），立即撈起放冰水中冷卻，再撈起，抹乾，放雪櫃中雪數小時便可用日本豉油＋芥辣佐食，係酒樓食會用碎冰冰鎮上檯，但屋企食就唔駛啦，但係一定要夠凍先似樣。

做o既時間只係數分鐘，就整出呢個口感好清新，好甜o既菜式。 菜都可以當刺身食，真不錯呀。

**灼芥蘭ｏ既熱水要加小許油，鹽同糖。

**剩下o既菜葉唔好浪費，我買左d魚片頭一齊滾，咁就多個上湯芥蘭魚片頭啦，一菜兩食，ok架。