泰好味 - 咖哩魷魚

上次去完蘇梅，o係食店見到廚師整咖哩炒蟹肉，不過急凍蟹肉好難買到，所以我決定用返我自己o既方法，整返我自己版本o既咖哩鮮魷喇, 因為呢個汁，老公食左三大碗飯呀。

食譜：

-魷魚洗淨切花，再切件， 出水，不要過久，剛熟便可，撈起，過冷水, 瀝乾備用

-先爆香洋蔥，再下青椒爆一會，下半包 咖哩粉爆香 (鑊不可太乾，否則會焦，如需要可加小許油)，爆至聞到咖哩香味，再下細半碗雞湯

-魷魚回鑊，再加唐芹炒一會

 -下調味( 魚露 2湯匙/ 糖 1湯匙 //半罐花奶) 煮至滾起

-轉最小火，最後下2隻漿兜至起蛋花，試味及用魚露和糖最後調味。

**我個人覺得，呢個菜都係要帶小小甜味先有泰菜風味，不過最緊要係o岩你自己，所以試味係好重要架。

**魷魚回鑊後不能炒太耐，過熟唔好食架。