韓式雞肉拌飯

                                                     呢個就係韓式拌飯用辣醬喇.

上星期Dimcook網請我地一班 Bloggers 去 Outdark韓國餐廳試食， 同時送咗個清淨園禮物包比我地。   其中一款豆醬係我經常用嘅， 貪佢唔辣又惹味。  要嚟整韓式拌飯就最好味；   況且呢個飯小肉多菜， 顏色鮮艷， 真係百食不厭㗎。

食譜 (四人份量):

珍珠飯8碗

去皮雞扒2件

鹽 1/3 茶匙
辣椒粉小許(可免）

日式燒肉汁1/4枝

即食紫菜隨意

 伴菜數款,　種類隨意，最好選不同顏色

(我今次用咗本菇1包，紅甘荀1小條， 菠菜半斤)

韓式豆辦醬 (拌飯專用，　日式超市有售)

 做法:

1) 雞扒去皮切粒， 用  1/3茶匙鹽, 辣椒粉小許(可免）醃20分鐘， 其間處理疏菜。

2)   菠菜用滾水至軟身，撈起浸凍水中. 待冷卻後搾乾.　
  菜莖切段留拌飯用菜葉留用作前菜（用芝麻沙律醬伴食)

3) 本菇1包,  用易潔鑊白鑊慢火輕炒,　再加小許鹽炒至軟身, 撈起隔水備用．

4) 紅甘荀刨絲,　用易潔鑊加小許油輕炒至軟身 （如太乾可加丁點水炒）

5) 雞粒用油炒至8成熟 (如用雪藏雞几肉可能會有出水情況, 可將廚紙投入鑊內， 用鑊剷按著打圈汲乾水份便可）,　
  
　

  下燒肉汁至炒至收汁, 起鑊備用. (試味， 如需要可加點砂糖調味)

6) 最後把熱飯置煲內舖平，舖上雞粒+ 蔬菜 +紫菜碎，以韓式豆辦醬拌食便可.　
(如想要飯焦， 只要在鑄鐵鍋內掃小許油才舖上熱飯， 放上配料， 蓋上煲蓋中火煮1分鐘便可, 時間長短影響焦的程度， 請自行調較。)

**如果喜歡飯焦, 上桌前開中火加熱數分鐘至底微焦便可.