呢個係我搬左屋之後第一個整o既蛋糕；
自從搬屋時掉左個舊磅，好耐唔記得買，想整都無得整，上星期終於”的”起心肝係Apita買左個磅，星期日就開工整左個最簡單o既戚風蛋糕，比d鄰居做下午茶 (本來想整紐紋，但係屋企材料箱連可可粉都無)。
今次仲膽粗粗第一次徒手脫模，成功左呀，初初個蛋糕比我”禁”到變晒形，不過好彩唔駛一陣佢就回彈成原狀喇。 呢個脫模方法比我以前用刀脫模靚好多呀，下次會繼續用。
Owenmama任職白領； 同時兼任食譜書作者; 也是兼職烹飪班導師， 有豐富媒體烹飪示範拍攝及現場示範環節經驗。 我最愛用簡單烹調技巧製作出美味佳餚。 希望藉此提起更多人對入廚的興趣! 著作："餐廳菜式Make Easy" (2018) ; “我都識煮酒樓菜” (2017) 及 ”玫瑰鍋料理” (2015)
2010年7月27日星期二
雜錦蠔仔瓜粒泡飯
雜錦蠔仔瓜粒泡飯 -
好耐無上blog, 因為呢排公司分派左多好多工作比我，放工返屋企已經無晒電，加上Yahoo blog 成日有問題，平時放工想睇o下大家有乜新作都搵唔到，都無乜心機上。 今日終於見佢正常返，等我都"的起心肝再上Blog.
之前Owen去左上海世博遊學團，老公返中更，一個人簡簡單單，整左個冬瓜粒泡飯，用ｏ既都係前一晚煮冬瓜脯多出黎o既材料同冷飯，只係買左D蠔仔同一合清雞湯，好味，簡單又唔浪費。
做法同雞湯廣告教o既一樣，全部材料滾１０分鐘(蠔仔除外，我先洗淨煮熟，較安全），最後落熟蠔仔同飯，煲滾就食得喇。 最緊要係老公無份食，終於可以放好多好多我至愛ｏ既芫茜喇。
呢個泡飯非常簡單，但係異常咁好味。
********************************************************************
各位朋友，本人已於 Facebook 開了 Fan page, 請登入以下網址 add 我啦。
以後大家除左可以上Yahoo blog，仲可o係 Facebook同我溝通呀!
2010年7月11日星期日
消暑 - 冬瓜環
琴日家姐同姨甥女珊珊第一次o黎食飯，家姐阿姨們和媽咪一早過左ｏ黎開檯，天氣實再好熱，都唔知整乜野餸好，去到街市見到冬瓜，就買佢 ，整個構思好耐菜式，但係未實踐過過o既”冬瓜脯”(未諗到改乜名)。，諗起屋企仲有罐頭包魚菇，再買左一塊雞扒同今華火腿，同埋即刻打比阿哥叫佢幫我浸定冬菇先(阿哥就住o係我樓上，好方便)。 係咁多喇。
大熱天時用冬瓜做菜，有助消暑，一定會受歡迎。 果然大家都讚不絕口呀。
呢個菜式睇得又好味，最緊要係睇起o黎好”酒樓菜”，但係其實一d都唔難整，大家不防試o下：
做法：
1) 冬瓜 1斤半 - 去皮，用小刀開中空，要開大小許，否則餡會大少。
2) 雞扒1塊 – 去皮，切粒，用小許鹽 +老抽調味 (老抽令顏色金黃)
3) 鮑魚菇一罐（我用ｏ個隻有埋鮑魚汁)
4) 冬菇 – 3隻切粒(用糖+生抽撈勻蒸10分鐘備用)
5)芥蘭頭小許（可免，因為我買左芥蘭清炒，就地取材，整色整水）
5) 金華火腿小許 – 切微粒 (裝飾用，本來想用夜香花，不過無得賣)
6) 芡汁 ：清雞燙一小盒 + 蠔油調色 + 鮑魚菇汁 + 生粉水小許
做法：
-冬瓜置碟上整約30分鐘，倒去水份，在邊位灑火腿碎
-起鑊炒雞粒至熟，下冬菇及鮑魚菇兜炒
-用一部份芡汁加生粉水先把餡料埋芡，把全部材料置冬瓜圈內
-用餘下芡汁 + 生粉水再埋芡汁，淋在冬瓜邊緣，便可奉客喇。
＊＊餡料可隨意配搭，可用雪耳，各種菇類，總之你想用乜就用乜喇。
唔係我實o係廚房中暑呀。
阿嫂 - 粉絲蝦沙律 + 九層塔青口 +鹵水牛腱
家姐 - 豉椒抄蜆 + 佢最拿手o既炸排骨
樣樣都好好味。
********************************************************************
各位朋友，本人已於 Facebook 開了 Fan page, 請登入以下網址 add 我啦。
以後大家除左可以上Yahoo blog，仲可o係 Facebook同我溝通呀!
2010年6月29日星期二
Lazy House Warming (2) - 茄汁芝士腸
呢個就係第二個懶人菜式 -- 茄汁芝士腸，撈意粉最o岩，小朋友好鐘意架，每次有小朋友o既Party, 整佢實無失拖架。
*只要將兩個洋蔥+兩個蕃茄切幼粒，先下油爆香洋蔥，在加蕃茄粒炒一分鐘，再下半枝茄汁+糖調味(糖加多少按自己口味)，再下腸仔煲至腸仔熱透就攪掂。
*只要將兩個洋蔥+兩個蕃茄切幼粒，先下油爆香洋蔥，在加蕃茄粒炒一分鐘，再下半枝茄汁+糖調味(糖加多少按自己口味)，再下腸仔煲至腸仔熱透就攪掂。
*我煮左差不多30+條腸仔，汁料份量可按腸仔數量調較。
***************************************************************
各位朋友，本人已於 Facebook 開了 Fan page, 請登入以下網址 add 我啦。
以後大家除左可以上Yahoo blog，仲可o係 Facebook同我溝通呀!
Lazy House Warming (1) - 簡易葡國雞
一班雀友大小１５人到新屋house warming, 食物只係配菜，主菜當然係d麻雀啦，所以只整左兩樣簡單到無得再簡單o既葡國雞 同埋茄汁腸比7小福食，因為晚餐係食外賣，驚小朋友唔o岩食，特別為佢地整o既。
材料：
兩磅雞翼 / 兩個洋蔥 - 切片/ 甘筍兩條 - 切角 / 李x記葡汁一樽 / 水適量
1) 爆香洋蔥片，下雞翼爆一會
2) 下葡汁 +水 +紅甘筍(水剛蓋過全部材料便可)
3) 兜勻，轉小火炆２0－２５分鐘左右，至甘筍熟透，試味便可
＊＊炆的期間要留意水分多少，稀濃到要適中。
兩磅雞翼 / 兩個洋蔥 - 切片/ 甘筍兩條 - 切角 / 李x記葡汁一樽 / 水適量
1) 爆香洋蔥片，下雞翼爆一會
2) 下葡汁 +水 +紅甘筍(水剛蓋過全部材料便可)
3) 兜勻，轉小火炆２0－２５分鐘左右，至甘筍熟透，試味便可
＊＊炆的期間要留意水分多少，稀濃到要適中。
在此多謝一眾友好o既入伙厚禮。 實在o岩晒我呀。我會將佢長期開住唔收，你地幾時殺到，我幾時都奉陪。
各位朋友，本人已於 Facebook 開了 Fan page, 請登入以下網址 add 我啦。
以後大家除左可以上Yahoo blog，仲可o係 Facebook同我溝通呀!
2010年6月16日星期三
訂閱：
文章 (Atom)