芒果撈河 （附自家食譜）

前晚同老公去左許ｘx食甜品，食左一個芒果布甸，等緊野食黎就睇o下個餐牌，見到椰汁撈河，呢個甜品我想整好耐架啦。  就即買芒果，低二日即整。

網想食譜話要用奶，不過我唔鐘意，淨用　椰汁　＋　水　+　糖　＋　蒟蒻粉，製成品好潔白，仲清香添。　

好快就凝固啦，雪凍切成幼條狀（有ｄ人將佢捲成腸粉狀，各適其式啦），再淋上只用芒果打的汁，就好好味啦。　不過一定要選熟透的茫過個汁先夠甜架。

＊    美中不足係唔知點解我已經攪得好勻同煮得夠熱，仍然有ｄｄ粉粒的口感，扣左少少分啦。 不過都已經好滿意架啦。  

自家食譜：

1) 蒟蒻粉 4湯匙  +    水120g　- 混合攪拌至蒟蒻粉溶解

2) 椰漿一小罐 165g  +　清水60g　+　糖３湯匙（隨個人口味加減）

3) 把 1) +2) 混合，細火邊煮邊用木羹膠拌，至滾起便可熄火。

4) 把 3) 倒進已舖保鮮紙的鐵盤上，冷卻後冷藏至凝固便可切條，或捲成腸粉狀。

芒果醬 ：

只須把熟透的芒果肉切粒用攪拌機打成汁雪凍便成。