2013年12月13日星期五

檸汁牛油焗鱸魚 配薯蓉






鱸魚本身魚味較淡,但係好處係佢無乜腥味。用半蒸焗方法,魚肉好滑同好好味,平價o既鱸魚都變成上菜。
呢個配飯同意粉都好似唔係好夾,所以今次我配左薯蓉,老公愛就咁暖食,Owen 就愛煎,一於黎個兩食,呢餐午餐唔錯呀。

鱸魚一條(350g)
洋蔥一個(切片),無鹽牛油數粒
醃料: 幼鹽3/4茶匙,白胡椒粉小許 - 醃一小時
汁料: 檸檬皮半個 (切碎),檸汁2茶匙,水2茶匙,鹽1/3 茶匙,橄欖油1茶匙 (攪勻備用)

做法:
1)       鱸魚一條,徹底洗淨(尤其必要清除肚內的血塊) ,抹乾,用幼鹽3/4茶匙,白胡椒粉小許醃一小時 (肚內也要醃)
2)       預熱焗爐至250
3)       鱸魚兩面和肚內掃上汁料, 多餘的汁留用
4)      用錫箔紙做成兜狀,放數片洋蔥片再兜底,放進鱸魚,魚肚內放兩片洋蔥,倒入餘下的汁料,舖上洋蔥粒,芫茜和牛油粒
5)      用一大焗盤,加小許水在盤上(不用太多,只防止魚太乾),放下錫箔紙兜,再用錫紙蓋好整個焗盤,放入焗爐(最底架位) 焗約25分鐘便完成。
6)       食時可隨意灑上檸汁,可增加香味。







3 則留言: