蟲草花雪耳甘荀雞腳湯

又凍又乾燥嘅天氣飲熱辣辣滋潤靚湯潤一潤先。

今次學媽子在湯肉加左一両圓肉（$5），個湯真係甜好多，我仲好鐘意食呀！

材料：雞殼一個，瘦肉$15（吊味），雞腳12隻，圓肉一兩，蟲草花一兩，蜜棗3粒，甘荀一個，雪耳（隨意）

-雪耳用凍水浸軟，切件備用；蟲草花洗淨用凍水浸半小時備用
-所有肉類出水，撈起用水沖淨
-用一大煲，放入所有材料（除雪耳）大火煲滾後轉細火煲一小時
-放入雪耳再煲一個半小時，加鹽調味便可。