21週年沙巴之旅 - Gayana Eco Resort (KK)

沙巴之旅話咁快就完左喇。  上一次去係十年前，今次再去，市內竟然同十年前無乜分別，只係起多左幾座大型商場，之前去過的味雅雞飯仍然在原址，仍然係一樣舊，仍然係無冷氣。
市內除左食，真係不值一提。　　　所以去到沙巴，侷住要join day tour，唔係實悶到死。

好彩我地有兩日出左島住，今次揀左Gayana Eco Resort, 貪佢係水上屋，自己房行落去就係海， 環境優美，兩支公過週年紀念。

呢個resort其實有d舊，但係佢一路逐間屋重建，我地住o個間係新建好的，所以唔錯。 酒店知我地週年，所以安排左呢間單邊房比我地，多謝佢地安排。

我地ｏ係resort浮潛，玩獨木週，游下水，hea下，咁就過左３日。


同大家分享下ｄ相先。

 


水清唔清係睇天氣， 好彩入島當日天氣好好，透到光，ｄ水好清，前一日仲落緊雨，算好好彩喇。

放間頗大，張床好舒服。

第一晚天氣好，無乜浪，所以好好訓，

但係第二晚就翻大浪，d海浪聲都好大，老公三點幾比d浪嘈醒左，但我就照訓可也。





 落地玻璃門可以全部打開，好開揚

陽台好大，行出d第二重平台連接下水梯，好正啊。

**不過d梯級有青苔，要小心上落呀。

 ４６號屋，大單邊，隔好遠先見到最高級的palm　ｖｉｌｌａ。

Ocean Villa or Palm Villa　住客可以享用專船送早餐到露台享用服務，

ｏ係露台對住無滴海景，ｄ早燦好精美，豐富好味，加埋我地自備ｏ既白酒，ｓｏ　ｇｏｏｄ！！



食完早餐坐左一陣，老公就急不及待落水，我地見到好多魚仔呀。

呢個係　ｉｎｆｉｎｉｔｙ　ｐｏｏｌ，對住大海，不錯呀。




除左多種魚仔，我地見到馬騮週圍走，呢隻巨蜥，成四尺長，我地去ｃｈｅｃｋ　ｏｕｔ　時見佢ｏ係叢林好快咁”標”去海灘，仲游去d屋底，好彩走先撞到，唔係都唔敢浮潛呀。

之前有d 網友都話見到，估唔到我地都咁好彩。