2013 曼谷暑假遊 - 食食食

今我地每年都最少去一次泰國，因為無論你去泰國邊一度，樣樣食物都好好食，價錢又合理，o岩晒我地三個為食鬼。今次去曼谷，除左ｏ係酒店係咁食，仲食左好多野，等我同大家介紹一ｄ啦。


Erawan Tea Room - Erawan Grand Hyatt Hotel Bangkok
-任叫任食泰菜，由鮮打果汁，主菜到甜品都係任點。 每碟都係用5吋小碟上，咁就可以食好多款都唔會太飽啦。  賣相精緻，好味。
-連稅約HK$220一位，好超值呀。
-果汁係鮮打，無添加，所以每杯都好濃厚，我地最愛芒果同揶汁。
-樣樣對版，為一蝦唔係我地食開的鮮蝦，佢地係啤左水的。

甜品有好多選擇，但太飽了，只選了兩個，good!

 
























光海鮮 - 就因為日日都在Lounge "hea" 同cocktail，到夜晚9：30都唔肚餓，本來去食法國菜都取消左 (因為10：30就關門)。  消夜就行左去光海鮮，佢就
o係Pullman 對面馬路向前行 (BTS ：Victory Monument)，數分鐘就到，炒左個雜菜，咖哩蟹 + 明爐盲曹，加買飯都係三百幾蚊港紙。  呢間係港客人氣店，食物不比建興差。好味又抵食。

 

**咖哩蟹小份 bhat 400，大的bhat 1500，建議好似我地咁，叫兩個小份，就會抵好多。
**盲曹好得，香港通常用烏頭，用盲曹超猾呀， 超大條，都係8十幾蚊咋。   可叫小辣，正常的辣到爆呀。

 

掃街 @Victory Monument station - 輕便午餐，全部都係酒店出面條街掃的，平靚正，個雞飯只係8蚊咋，好味。仲有外賣牛腩粉，今次開心發現，超級好味，要推介。
**留意區地外賣不送餐具，要食外賣就要舉7仔買筷子同膠杯，唔係就唔知點損喇。

 





 

Ma-Toom Egg Boat Noodle - 呢間就係超正的boat noodle，就在光海鮮前幾個舖。 當日按完摩經過，見到門面乾淨就試下買個外賣比仔仔食。
我要左個牛腩+牛丸金邊粉 (牛湯底)，一食就上癮，個湯超濃牛味同香料味，牛丸彈牙，d腩係半肥瘦，超得。
第二日一個人再去encore，今次要左冬蔭牛麵，個湯一樣咁掂，唔太辣，酸道適中，不過我喜歡牛湯配金邊粉多D。

 

Siam Paragon Foodcourt - 最後一日去左siam買手信就係Foodcourt 食，裝修過， counter小左，亦加左價，不過水準ok。

 

最後就係我地全家至愛的 -  Swensens 雪糕(好多分店架)，呢個 Earth Quake 只係85蚊港幣，有8大個自選雪糕球，我地每次去都最少食兩三次。 但係今次因為晚晚太夜食飯，食完佢都收舖了，只係最後臨上機先食到咋。