2013年9月9日星期一

日式蟹子沙律




琴日整定左d蟹子沙律,同買定鰻魚整鰻魚飯,諗住一家三口坐定定睇衝上雲宵。 忽然鄰居Bonnie請我同哥哥兩家人一齊去佢度飯聚,就將原來3人分量o既蟹子沙律加大成8人份量,再拎埋條鰻魚上去, 齊齊食開心好多。 

呢個沙律好易整,無難到就整到同日本餐廳出品差不多的賣相口味,你的家人,朋友實鐘意架。


材料: 

青瓜兩條,蟹棒半包,蟹子適量,日式沙律醬適量,煉奶一湯匙 

-青瓜切絲(切法見下圖),蟹棒解凍,楂乾水再撕成絲,加入一湯匙蟹子 ,拌入適量沙律醬及鍊奶

-上桌前再在沙律上放上蟹子就食得喇。



只要用利刀沿住青瓜的外圍慢慢片成薄片,再切成幼絲,呢個方法如果掌握到,好快就會切出又薄幼的青瓜絲 (見圖2)

 (瓜囊部份會出水,所以唔會切,留黎當口果食,一樣青甜好味,無浪費)





切青瓜絲技巧係食日本餐時見師傅o既切法,佢地當然係用手楂住枝青瓜垂直切,我地無咁好刀功,用呢個方法都可以成功。













9 則留言:

  1. 真係羨慕你咁好刀工, 我通常刨絲就算

    回覆刪除
    回覆
    1. 青瓜有核的中央好易出水,所以吾會用,呢個方法較易,D心仲可以做口果添。

      刪除
  2. 嘩好方法呀我又學到嘢喇唔該晒

    回覆刪除
  3. 新居入伙...靚婆婆嚟探妳呀!

    回覆刪除
  4. 我D刀工唔得,我會用一個刨絲嘅刨,不過個蕊就唔可以刨得太細囉。

    回覆刪除