美味排骨（豬扒）菜飯

星期日老公夜晚唔o係度食，剩返我同阿B, 佢成日都想食大家樂d排骨菜飯，橫掂無聊，等我試o下自己整。  菜飯經常煮，做法亦介紹過，係豬扒較小整，不過都唔難。

四件連骨豬扒（帶小許肥肉的較好食）， 洗淨，抹乾，兩面用刀背啄鬆

(因為老闆切得好厚，啄完好大件，最後可切成8件)

醃料：  

乾蔥碎2粒，生抽3湯匙，老抽3/4湯匙，糖2茶匙，鹽１/2 茶匙，五香粉3/4 茶匙（可免），生粉一茶匙，紹酒 １湯匙，水１湯匙，於深碗全部攪勻 ，放入豬扒拌勻，最後加入2湯匙油，醃最少4-5小時。

下鑊煎之前用小許生粉拌勻，再煎熟便可伴菜飯／白飯。

*因為試味發覺差小小鹹味，我在豬扒臨起鑊前在鑊上灑小許生抽，快手煎一會，關火，起鑊 ，估唔道咁反而令豬扒更香更惹味，顏色仲好ｄ添，有時煮野就有呢d樂趣喇。

 ＊＊醃料視乎豬扒多少 / 個人口味而調較份量。