琴日一家去左筲萁灣王林記食仔製最愛o既撈麵，食完就去行街市買定晚餐食材，經過雞檔見d新鮮雞脾好靚，隻隻黃油，就忍唔住買左幾隻做晚餐。
百物騰貴，一年無去買雞脾，今年每隻加左5蚊，要$22一隻，大隻d仲要$28添。
今次用左四季雞粉，小許鹽同花雕調味，蒸完出黎隻雞脾好滑，鹹鹹地，有酒香，琴日哥哥忽然叫我同Owen上樓上食飯，就帶左d雞上去加料，連哥哥同嫂嫂都話好得呀。
做法：
新鮮雞脾3隻
四季鹽焗雞粉半包
鹽1/2茶匙
花雕酒2湯匙 (後下)
1)雞脾洗淨，用刀將多餘的黃油去掉
(你睇3隻脾都有好多油架)
2) 徹底抹乾，在骨邊"介"兩刀，灑上鹽吸雞粉醃最少3小時
3) 蒸前下花雕2湯匙抹勻， 蒸15分鐘至熟透
4) 離火後待5分鐘便可斬件 (雞汁留用)
5) 上桌前淋上雞汁便好上桌
好簡單又健康，，正 ^_^
回覆刪除係呀，去左油蒸完無幾肥，好味架。
刪除D雞比真係好貴呢.
回覆刪除係啊，所以唔會成日整喇。
刪除有酒香必正~好想食~
回覆刪除有酒香正好多呀。
刪除見番你真好！我係 Double Iron Legs 呀！
回覆刪除我認得你幅相啦。 歡迎呀。
刪除我哋剩係得急凍雞脾賣咋。
回覆刪除急凍雞得架，但無咁鮮味。
刪除雞油好核突呀
回覆刪除係呀，諗下如果唔去雞油有幾肥!!
刪除正!!!
回覆刪除好味!好味!
回覆刪除Owenmama, 早！我們都多去SKW開餐，不過印象中好似未去過王林記，等我找找地址搵日去食下先！
回覆刪除花雕跟雞真係好夾，我都好鐘意這組合！正 ~
王林記就喺安利魚蛋前兩個舖，我覺得佢D撈麵正D呀，仲一樣有最罪惡的鮮油奶多添。
刪除你去openrice 睇下呀：）
此留言已被作者移除。
回覆刪除睇見留哂口水，我最鐘意食花鵰雞
回覆刪除請問如果我用一隻雞的話，
要落幾多鹽同埋鹽焗雞粉呀？時間又要蒸幾耐？
唔好意思～我好多問題～謝謝